09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մեքսիկայում 6,5 մագնիտուդով երկրաշարժ է տեղի ունեցել նախագահի ասուլիսի ժամանակ
02.01.2026 | 22:17
Մեքսիկայի Գերերո նահանգում 6,5 մագնիտուդով երկրաշարժ է տեղի ունեցել: Այս մասին հայտնել է Մեքսիկայի ազգային սեյսմոլոգիական ծառայությունը։
Երկրաշարժի պահին Մեքսիկայի նախագահ Կլաուդիա Շեյնբաումը ԶԼՄ-ների հետ հանդիպման է եղել։ Նա ստիպված է եղել ընդհատել ասուլիսը։
Շեյնբաումի ելույթի ժամանակ հնչել է երկրաշարժի մասին զգուշացնող ազդանշանը։ Նախագահը բարձրախոսով հայտարարել է, որ բոլորը հանգստություն պահպանեն։ Դրանից հետո բոլորը դուրս են եկել դահլիճից։ Քիչ անց հանդիպումը վերսկսվել է, որի ժամանակ Շեյնբաումը հաստատել է 6,5 մագնիտուդով երկրաշարժի փաստը:
Մեքսիկայի ազգային սեյսմոլոգիական գործակալության տվյալներով՝ երկրաշարժի էպիկենտրոնը գտնվել է Սան Մարկոս քաղաքի մոտակայքում՝ Ակապուլկո խաղաղօվկիանոսյան ափամերձ հանգստավայրի մոտ։ Վիրավորների կամ լուրջ ավերածությունների մասին տեղեկություններ չկան։
