13.05.2026 | 23:03
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Լևոն Արոնյանը սենսացիոն պարտություն է կրել 12-ամյա մրցակցից․ ՏԵՍԱՆՅՈՒԹ
29.12.2025 | 20:28
Շախմատի Հայաստանի հավաքականի նախկին առաջատար, այժմ ԱՄՆ-ն ներկայացնող Լևոն Արոնյանը սենսացիոն պարտություն է կրել Դոհայում ընթացող կայծակնային շախմատի աշխարհի առաջնությունում։
ՖԻԴԵ-ի դասակարգման աղյուսակում 20-րդ տեղը զբաղեցնող 43-ամյա գրոսմայստերը պարտվել է 12-ամյա արգենտինացի, միջազգային վարպետ Ֆաուստինո Օրոյին։ Պարտիայի ընթացքում Արոնյանն ավելի լավ դիրք է ունեցել, սակայն թույլ է տվել մի քանի սխալ ու պարտվել 68-րդ քայլին։
Հայաստանի ներկայացուցիչներից կայծակնային շախմատի աշխարհի առաջնությանը մասնակցում են Շանթ Սարգսյանը, Հայկ Մարտիրոսյանը, Ռոբերտ Հովհաննիսյանը, Արամ Հակոբյանը, Ռոբերտ Փիլիպոսյանը, Արթուր Դավթյանը, Էմին Օհանյանը և Մամիկոն Ղարիբյանը։
Կանանց պայքարին մասնակցում են Էլինա Դանիելյանը, Լիլիթ Մկրտչյանը, Մարիամ Մկրտչյանը, Սուսաննա Գաբոյանը: Առաջնությունը կավարտվի դեկտեմբերի 30-ին։
Արագ շախմատի աշխարհի առաջնությունում հայ շախմատիստները մրցանակային տեղ չէին գրավել։
