13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Մագնուս Կարլսենը՝ արագ շախմատի աշխարհի չեմպիոն, հայ շախմատիստների արդյունքները
29.12.2025 | 12:25
Դոհայում ավարտված արագ շախմատի աշխարհի առաջնության չեմպիոնի տիտղոսը նվաճել է նորվեգացի գրոսմայստեր Մագնուս Կարլսենը։
Շախմատի աշխարհի 16-րդ չեմպիոնը 13 հնարավորից վաստակել է 10,5 միավոր և միանձնյա գրավել առաջին տեղը։
Երկրորդ տեղը զբաղեցրել է ռուսաստանցի Վլադիսլավ Արտեմիևը, եռյակը եզրափակել է հնդիկ Արջուն Էրիգայսին, որոնք հավաքել են են 9,5-ական միավոր։
Հայաստանի ներկայացուցիչներից լավագույն արդյունքը գրանցել են Շանթ Սարգսյանը (38-րդ տեղ) և Հայկ Մարտիրոսյանը (51-րդ տեղ), որոնք վաստակել են 8-ական միավոր։
Արամ Հակոբյանը (80-րդ տեղ) և Ռոբերտ Հովհաննիսյանը (81-րդ տեղ) հավաքել են 7-ական միավոր, Ռոբերտ Փիլիպոսյանը (119-րդ տեղ) ու Արթուր Դավթյանը (139-րդ տեղ)՝ 6,5-ական, Էմին Օհանյանը՝ 5,5, Մամիկոն Ղարիբյանը՝ 5։
Կանանց պայքարում չեմպիոնի տիտղոսը նվաճել է ռուսաստանցի Ալեքսանդրա Գորյաչկինան։ Հայ շախմատիստուհիներից լավագույն արդյունքը գրանցել է Լիլիթ Մկրտչյանը, որը 7 միավորով զբաղեցրել է 29-րդ տեղը:
Դեկտեմբերի 29-30-ին կանցկացվի կայծակնային խաղի աշխարհի առաջնությունը, որին ևս Հայաստանի ներկայացուցիչները կմասնակցեն։
