10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Արման Ծառուկյանը խոստացավ, որ պարտվելու դեպքում Շառա Բուլետին բնակարան կնվիրի Երևանում․ ՏԵՍԱՆՅՈՒԹ
29.12.2025 | 20:11
Երևանում տեղի է ունեցել UFC-ի մարտիկներ Արման Ծառուկյանի և Շառա Բուլետի (Շարաբուտդին Մագոմեդով) կշռման արարողությունը Hype Fighting լիգայի հերթական մրցաշարից առաջ։ Միջոցառման հաղորդավարը չի նշել մարտիկների քաշերը։
Կշռվելուց հետո մարտիկներն անցկացրել են նաև հայացքների մենամարտ։ Արման Ծառուկյանը խոստացել է, որ պարտվելու դեպքում Շառա Բուլետինին բնակարան կնվիրի Երևանում։ Ռուսաստանցի մարտիկն էլ նշել է, որ եթե պարտվի, իր ձեռքի ժամացույցը կնվիրի մրցակցին։
UFC-ի թեթև քաշային կարգի դասակարգման առաջատար Արման Ծառուկյանը և ռուսաստանցի Շառա Բուլետը կհանդիպեն դեկտեմբերի 30-ին Երևանի Կարեն Դեմիրճյանի անվան Մարզահամերգային համալիրում կայանալիք մրցաշարում։ Մարտիկները կմրցեն գրեփլինգի կանոններով՝ 84 կգ քաշային կարգում։
UFC-ում Շառա Բուլետը հանդես է գալիս միջին քաշային կարգում և 14-րդն է դասակարգման աղյուսակում։ 31-ամյա Բուլետը խառը մենամարտերում ունի 16 հաղթանակ ու 1 պարտություն։ 29-ամյա Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
