27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Ավինյանը` «եկեղեցին բարենորոգելու»՝ Փաշինյանի ծրագրի մասին․ ՏԵՍԱՆՅՈՒԹ
Քաղաքականություն
29.12.2025 | 12:18
«Հայ Առաքելական եկեղեցին, որն իր ծառայությունն է մատուցում Աստծուն, և Աստծուն ծառայություն մատուցելու ավելի լայն շրջանակում կարելի է նաև ընկալել, որ ծառայություն է մատուցում իր հոտին՝ այս դեպքում հայ ժողովրդին»,- այս մասին տարեվերջյան ամփոփիչ ասուլիսում հայտարարեց Երևանի քաղաքապետ Տիգրան Ավինյանը՝ պատասխանելով հարցին արդյոք կիսում է Փաշինյանի «եկեղեցին բարեկարգելու» ծրագիրը։
«Ինչպես յուրաքանչյուր ծառայություն մատուցող ինստիտուտ, իսկ Հայ Առաքելական եկեղեցին կարող ենք համարել ինստիտուտ, ժամանակ առ ժամանակ ունի նորոգման կարիք։ Եվ այդ նորոգումը ժամանակը պարտադրում է։ Այսինքն՝ հին բարքերով, հին տրամաբանությամբ, կեղծավորությամբ, իրականությունից կտրվածությամբ՝ ինստիտուտներն այդ ծառայությունը չեն կարող մատուցել այն ձևով, ինչպես պահաջում է արդի ժամանակը։ Եվ մասնավորապես, կարծում եմ, այո՛, եկեղեցին ունի որոշակի նորոգման կարիք, և դարերի ընթացքում այդպիսի նորոգումներ տեղի են ունեցել»,- նշեց քաղաքապետը։
Ավինյանի խոսքով՝ եկեղեցու, այսպես ասած, նորոգումը, տեղի է ունենալու հենց ներսից։
«Թեկուզ շատ դանդաղ տեմպերով, բայց, այսպես ասած, կեղծավորության շղարշը պետք է պատռվի, և մենք պետք է վստահ լինենք, որ եկեղեցին, որը ծառայություն է մատուցում Աստծուն և իր հոտին, ազնիվ է և անկեղծ»,- եզրափակեց Ավինյանը։
Մանրամասները՝ տեսանյութում։
