01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Հ1-ը Գարեգին Բ-ի ամանորյա ուղերձն այս տարի ևս չի հրապարակի
Քաղաքականություն
26.12.2025 | 18:51
Ամենայն Հայոց կաթողիկոս Գարեգին Բ-ի ամանորյա ուղերձը ներառված չէ Հ1-ի եթերացանկում։ Այս մասին Factor.am-ը տեղեկանում է Առաջին ալիքի կայքում հրապարակված տոնական ծրագից։
Ըստ աղբյուրի՝ դեկտեմբերի 31-ին ժամը 21:50-ին նախատեսված է ՀՀ նախագահի ուղերձը, հետո ԱԺ նախագահինը։ Վարչապետ Նիկոլ Փաշինյանի ուղերձը 23։40-ին է, որից անմիջապես հետո ուղիղ եթեր է լինելու Հանրապետության հրապարակից։
Հիշեցնենք՝ արդեն երրորդ տարին է, որ Առաջին ալիքը անտեսում է տարիներով ձևավորված ավանդույթն ու մինչ երկրի ղեկավարի ուղերձը չի հրապարակում կաթողիկոսի ուղերձը։ Վերջին երկու տարիներին Առաջին ալիքն այլ ժամ էր առաջարկում կաթողիկոսի ուղերձի համար՝ ՀՀ նախագահի և ԱԺ նախագահի ուղերձների հատվածում, այս տարի, փաստորեն, ընդհանրապես դուրս է թողնվել ուղերձը։
Ուղերձի չհեռարձակումը, ըստ ամենայնի, պայմանավորված է Փաշինյան-Գարեգին Բ անթաքույց կոնֆլիկտային հարաբերություններով։
Նիկոլ Փաշինյանը կաթողիկոսին բացահայտ մեղադրում է կուսակրոնության ուխտը խախտելու, զավակ ունենալու և այլ պետությունների հատուկ ծառայությունների հետ համագործակցելու համար։ Մայր Աթոռից այս մեղադրանքների վերաբերյալ պաշտոնական մեկնաբանություններ չեն հնչել։ Վարչապետն այս տարվա մայիսից պահանջում է Գարեգին Բ-ից թողնել կաթողիկոսի գահը։
Նարեկ Կիրակոսյան
