10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
2026-ի աշնանը մեծ ՏԻՄ ընտրություններ ունենք, 46 համայնք ընտրելու է․ ԿԸՀ նախագահ․ ՏԵՍԱՆՅՈՒԹ
Քաղաքականություն
24.12.2025 | 12:42
«Ուզում եմ տեղեկացնել, որ եկող տարի աշնանը մեծ տեղական ինքնակառավարման մարմինների ընտրություններ ունենք: Այս պահի դրությամբ 46 համայնքներում տեղի են ունենալու ՏԻՄ ընտրություններ»,- այսօր հրավիրված ասուլիսի ժամանակ հայտարարեց Կենտրոնական ընտրական հանձնաժողովի նախագահ Վահագն Հովակիմյանը:
Լոռու մարզի Ֆիոլետովո, Լերմոնտովո, Արմավիրի մարզի Ֆերիկ, Արագածոտնի մարզի Արևուտ, Մեծաձոր, Շամիրամ և Կոտայքի մարզի Արզնի համայնքներում ընտրությունները մեծամասնական ընտրակարգով են տեղի ունենալու։
Ապարան, Արարատ, Մասիս, Արաքս, Բաղրամյան, Մեծամոր, Մարտունի, Սևան, Վարդենիս, Թումանյան, Սպիտակ, Ստեփանավան, Փամբակ, Աբովյան, Գառնի, Ծաղկաձոր, Նաիրի, Նոր Հաճն, Ախուրյան, Ամասիա, Աշոցք, Արթիկ, Գորիս, Մեղրի, Տաթև, Տեղ, Վայք, Ջերմուկ, Դիլիջան և Նոյեմբերյան համայնքներում ընտրությունները համամասնական ընտրակարգով են անցկացվելու։
«Այս ՏԻՄ ընտրությունների համար երեք օր ենք սահմանել եկող տարվա աշնանը՝ սեպտեմբերի վերջին կիրակի, հոկտեմբերի վերջին կիրակի և նոյեմբերի վերջին կիրակի: 46 համայնքներում միաժամանակ, այսինքն՝ նույն օրը ընտրություն կազմակերպելն ինքնին ճիշտ չէր լինի»,- նշեց նա:
Մանրամասները՝ տեսնայութում։
