29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
ՌԴ-ի և Ադրբեջանի հարաբերությունները կզարգանան ռազմավարական գործընկերության և դաշնակցության ոգով. Պուտինը` Ալիևին
Քաղաքականություն
24.12.2025 | 11:30
ՌԴ նախագահ Վլադիմիր Պուտինը շնորհավորական հեռագիր է հղել իր ադրբեջանցի գործընկեր Իլհամ Ալիևին՝ ծննդյան օրվա կապակցությամբ, գրում է ՏԱՍՍ-ը։
«Ձեր ղեկավարությամբ Ադրբեջանը հասել է համընդհանուր ճանաչում ունեցող հաջողությունների սոցիալական և տնտեսական ոլորտներում ու հետևողականորեն ամրապնդում է իր դիրքերը միջազգային ասպարեզում»,- նշել է Պուտինը իր ուղերձում։
Ռուսաստանի նախագահը Ալիևին մաղթել է առողջություն, բարգավաճում և հաջողություններ: Նա նաև նշել է, որ Ռուսաստանի և Ադրբեջանի միջև հարաբերությունները կզարգանան համագործակցության և գործընկերության ոգով։
«Մեր երկրների միջև հարաբերությունները հիմնված են բարեկամության, բարիդրացիության և փոխադարձ հարգանքի լավ ավանդույթների վրա։ Ես վստահ եմ, որ այդ հարաբերությունները հետագայում էլ կզարգանան ռազմավարական գործընկերության և դաշնակցության ոգով»,- հայտարարել է Ռուսաստանի ղեկավարը՝ հավելելով, որ այս մոտեցումը, «անկասկած, համապատասխանում է ռուս և ադրբեջանական ժողովուրդների շահերին»։
Հավելենք, որ օրերս Ալիևը չէր մասնակցել Սանկտ Պետերբուրգում կայացած ԱՊՀ երկրների ղեկավարների ոչ պաշտոնական գագաթնաժողովին՝ պատճառաբանելով աշխատանքային խիտ ժամանակացույցը։
Թարգմանությունը՝ Էմմա Չոբանյանի
