28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
«Մանկապատանեկան մարզադպրոց» արտահայտությունից կհանվի «մանկապատանեկան» բառը
Քաղաքականություն
23.12.2025 | 19:03
Կրթության, գիտության, մշակույթի և սպորտի նախարարության ենթակայությամբ գործող մարզադպրոցների անվանումների մեջ «մանկապատանեկան մարզադպրոց» արտահայտությունից կհանվի «մանկապատանեկան» բառը:
Նախարարության ներկայացրած նախագծում նշվում է, որ փոփոխություններ թվով 8 որոշումներում են կատարվելու, որոնք վերաբերում են մանկապատանեկան մարզադպրոցներ ստեղծելուն: Որոշումն անդրադառնալու է ԿԳՄՍՆ-ի ենթակայության 25 մանկապատանեկան մարզադպրոցներին:
«Մանկապատանեկան» բառը հանելը պայմանավորված է նրանով, որ ներկա դրությամբ մանկապատանեկան մարզադպրոցներում սաները մարզվում են մինչև իրենց տասնութ տարին լրանալը և տասնութ տարին լրանալուց հետո պետք է լքեն մարզադպրոցը:
«Իրենց առջև մարզական բարձր արդյունքների հասնելու նպատակ դրած մարզիկների համար առաջանում է խնդիր՝ մարզվելը շարունակելու վայրի հարցում»,-նշվում է հիմանավորման մեջ:
Եվգենյա Համբարձումյան
