09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ալիևը դարձյալ Ստեփանակերտ է այցելել
23.12.2025 | 16:10
Ադրբեջանի նախագահ Իլհամ Ալիևն այցելել է էթնիկ զտման ենթարկված Արցախի մայրաքաղաք Ստեփանակերտի Կրկժան բնակավայր։ Ադրբեջանական լրատվամիջոցները հայտնում են, որ Ստեփանակերտում, Մարտակերտում և Իվանյանում Ալիևի հատուկ ներկայացուցիչ Էլչին Յուսուբովը ներկայացրել է բնակավայրում իրականացվող աշխատանքները։
Նշվում է, թե այժմ այստեղ կա 33 բնակելի շենք և 1037 մասնավոր տուն։ Դրանցից 247-ը բնակելի չեն։ Մինչև այս տարվա վերջ նախատեսվում է վերանորոգել 40 տուն, իսկ մինչև 2026 թվականը՝ 280։ Միաժամանակ, 30 տան վերանորոգումն արդեն ավարտվել է։ Սկզբնական փուլում այստեղ 30 ընտանիք, ընդհանուր առմամբ՝ 115 մարդ է բնակեցվել։ Վերանորոգվել են 60 երեխայի համար նախատեսված մանկապարտեզ և միջնակարգ դպրոց՝ 624 աշակերտի համար։
Բացի այդ, Ալիևը Ստեփանակերտում դրել է Ղարաբաղի համալսարանի ճարտարագիտական ֆակուլտետի շենքի հիմքը։ Ադրբեջանի նախագահը մասնակցել է նաև համալսարանի բիզնեսի և տնտեսագիտության ֆակուլտետի շենքի բացմանը։
Նշենք, որ Ստեփանակերտում Արցախի պետական համալսարանը Բաքուն Ղարաբաղի համալսարան է վերանվանել։
Թարգմանությունը՝ Էմմա Չոբանյանի
