10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Պարոն Ավինյան, ձեր փլավին աղ լցնել չի լինի․ Մեսրոպ Մանուկյան. ՏԵՍԱՆՅՈՒԹ
Քաղաքականություն
23.12.2025 | 14:05
«13 մանկապարտեզից 10-ի վերանորոգման մասին ասվում է 2023 թվականից»,- այս մասին Երևանի ավագանու նիստի ընթացքում հայտնեց «Մայր Հայաստան» խմբակցության անդամ Մեսրոպ Մանուկյանը՝ Երևանի 2026-ի բյուջեի քննարկման ժամանակ։
«Ամեն տարի առնում գալիս եք, ասում եք՝ եկող տարի այս մանկապարտեզը սարքում ենք։ Այսինքն հույսներդ դրել եք, որ Մանուկյան Մեսրոպը չի կարդալու բյուջեն։ Մի հատ խնդրում եմ սրա բացատրությունը տվեք, ու ինձ չէ, ժողովրդին, երևանցիներին։ Ո՞նց է ստացվում, որ 13 հատից 10-ը կրկնվող է, 2023 թվականից։ Կարող է ինչ-որ մեկը մի տարում չի կրկնվել, բայց 10 հատը կրկնվող է»,-նշեց նա։
Ի պատասխան քաղաքապետ Տիգրան Ավինյանը նշեց՝ 10 հատը կրկնվող է, որովհետև 32 մանկապարտեզներ և 6 պոլիկլինիկաներ ծրագրի մաս են։
«Սա վարկային ծրագրով կառուցվող մանկապարտեզներ են։ 2025-ին հանձնել են արդեն նախագիծը, եթե չեմ սխալվում, արդեն կառուցման մրցույթները։ Հիմա վստահաբար կարող եք գնալ ասել՝ այս 13-ը կառուցվում է» -ասաց նա։
Արձագանքի ժամանակ Մանուկյանը նշեց․ «Պարոն Ավինյան, ձեր փլավին աղ լցնել չի լինի՞։ Ձեր խոսքով գնամ, ասեմ, խայտառակ լինե՞մ։ Թող ձերոնք գնան, ասեն, խայտառակ լինեն։ Անկեղծ էլի։ Մի հատ արձագանք այս ամենի հետ կապված, անկեղծ, պարոն Ավինյան, մի քիչ լուրջ չի էլի, որ ամեն տարի նույն թվերը գրում-գալիս են ու մարդիկ, օրինակի համար, ակնկալում են, որ պիտի սարքեն»։
Մանրամասները՝ տեսանյութում։
