01.10.2026 | 11:25
Ուկրաինան անցնում է «առավելագույն խնայողության ռեժիմի». ռազմական բյուջեին չի բավարարում 27 միլիարդ դոլար
Ադրբեջանցի դատախազը միջնորդել է 18 տարվա ազատազրկման դատապարտել Ստեփանակերտի հայ բնակիչ Կարեն Ավանեսյանին
Քաղաքականություն
22.12.2025 | 19:43
Ստեփանակերտի բնակիչ Կարեն Ավանեսյանի դեմ քրեական գործով հերթական դատական նիստն է տեղի ունեցել։ Նա մեղադրվում է «ահաբեկչության և այլ առանձնակի ծանր հանցագործությունների մեջ»։ Ադրբեջանական լրատվամիջոցները գրում են, որ նիստը նախագահել է Գյանջայի ծանր հանցագործությունների դատարանի դատավոր Իլկին Իբիշովը:
Ավանեսյանը ցուցմունք է տվել նիստում, այնուհետև լսվել են քրեական գործով վկաների ցուցմունքները:
Սոցիալական ծառայությունների գործակալության աշխատակիցը նույնպես ցուցմունք է տվել որպես վկա։
Պետական մեղադրողը միջնորդել է Կարեն Ավանեսյանին դատապարտել 18 տարվա ազատազրկման։
Դատավարությունը կշարունակվի դեկտեմբերի 25-ին։
Ավելի վաղ ադրբեջանական լրատվամիջոցները հայտնել էին, որ քրեական գործի նախաքննությունն ավարտվել է, այն ուղարկվել է դատարան: Նախորդ դատական նիստը տեղի էր ունեցել դեկտեմբերի 15-ին։
Թարգմանությունը՝ Էմմա Չոբանյանի
