29.06.2026 | 21:12
Կաշկանդված եմ Մեդվեդևի խոսքը մեկնաբանել, քանի որ չեմ կարդացել. Վահագն Ալեքսանյան․ ՏԵՍԱՆՅՈւԹ
WhatsApp-ի արագությունը Ռուսաստանում նվազել է 70-80%-ով
Հաղորդաշարեր
22.12.2025 | 22:00
WhatsApp մեսենջերի արագությունը Ռուսաստանում նվազել է 70-80%-ով, հաղորդում է ՌԲԿ-ն՝ հղում անելով հեռահաղորդակցության շուկայի աղբյուրին: «Сбой.рф» ծառայության տվյալներով՝ վերջին 24 ժամվա ընթացքում մեսենջերի հետ կապված ավելի քան 2200 բողոք է գրանցվել, գրում է The Insider-ը:
Բողոքների մեծ մասը վերաբերում է WhatsApp-ի սխալ ծանուցումներին, հաղորդագրություններ ուղարկելու անկարողությանը, ինչպես նաև բջջային հավելվածների և կայքերի չաշխատելուն։
Հեռահաղորդակցության շուկայի աղբյուրի տվյալներով՝ այսօրվանից ի վեր մեսենջերի արագությունը նվազել է 70-80%-ով։ Հեռահաղորդակցության օպերատորները պատասխանատու չեն այս խափանումների համար։
«Сбой.рф»-ը ամենաշատ բողոքները գրանցում է Մոսկվայից, ինչպես նաև Սանկտ Պետերբուրգից և Մոսկվայի մարզից։
Այս տարվա օգոստոսին Ռոսկոմնադզորը հայտարարել էր, որ արգելափակում է Telegram-ում և WhatsApp-ում ձայնային և տեսազանգերը: Գործակալությունն այնուհետև այս միջոցառումները որակեց որպես հաղորդագրությունների հավելվածների գործառույթների «մասնակի սահմանափակում»՝ դրանք նշելով որպես խարդախության դեմ պայքարի միջոց:
Հոկտեմբերի վերջին էլ Ռոսկոմնադզորը հայտարարել էր, որ միջոցներ է ձեռնարկում Ռուսաստանում WhatsApp-ի և Telegram-ի «գործունեությունը մասնակիորեն սահմանափակելու» համար: Այս հայտարարությունից կարճ ժամանակ առաջ Ռուսաստանի հարավի բնակիչները նույնպես բողոքել էին խափանումներից:
Թարգմանությունը՝ Էմմա Չոբանյանի
