15.10.2026 | 21:51
Ադրբեջանցի ակտիվիստը, որը հիջաբի արգելքի դեմ բողոքող դպրոցականների համար ուսուցում էր կազմակերպել, անհետ կորել է
Եղվարդ-Նոր Գեղի ճանապարհին բախվել են BMW X5-ն ու ՎԱԶ-2106-ը. 3 մարդ հոսպիտալացվել են
20.07.2017 | 09:29
Հուլիսի 20-ին, ժամը 00:09-ին ահազանգ է ստացվել, որ Եղվարդ-Նոր Գեղի ավտոճանապարհին տեղի է ունեցել ՃՏՊ, բախվել են ավտոմեքենաներ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Հ-6 ավտոճանապարհի Եղվարդ-Նոր Գեղի հատվածի 6-րդ կմ-ին բախվել են BMW X5 մակնիշի 98 AQ 888 և ՎԱԶ-2106 մակնիշի 35 LT 047 պետհամարանիշերով ավտոմեքենաները. BMW X5 մակնիշի ավտոմեքենան դուրս է եկել ճանապարհի երթևեկելի հատվածից (մոտ 20 մ) և հայտնվել դաշտում:
Մինչ փրկարարների՝ կանչի վայր հասնելը 1994 թ. ծնված Ա. Կ.-ը, Բ. Հ.-ը և Ա. Մ.-ը հոսպիտալացվել են «Արմենիա» ՀԲԿ, որտեղ բժիշկները Ա. Մ.-ի առողջական վիճակը գնահատել են միջին ծանրության, իսկ մյուսներինը՝ ծայրահեղ ծանր:
