27.03.2026 | 13:43
Օդի ջերմաստիճանը կբարձրանա
«Ավելի շատ նեղվածությունից այսպես եղավ»․ Տեր Վրթանեսին ստենտավորել են
Քաղաքականություն
18.12.2025 | 22:01
«Նորմալ եմ, ստենտ են դրել, հիմա ամեն ինչ լավ է ինձ մոտ»,- այս մասին Factor TV-ի հետ զրույցում հիվանդանոցից հայտնեց Վրթանես քահանա Բաղալյանը։
«Հրմշտոց էր, հատուկ իմ հանդեպ որևէ վատ վերաբերմունք չի եղել։ Հրմշտում էին, հայհոյանքներով, բանով, ուզում էին Մայր տաճար մուտք գործեին, տղաները չէին թողնում, ես էլ նրանց հետ։ Մենք տաճարի մուտքի հատվածում էինք։ Ճիշտն ասած՝ ավելի շատ նեղվածությունից այսպես եղավ»,- նշեց Տեր Վրթանեսը։
Քահանայի խոսքով՝ նախկինում սրտի հետ կախված որևէ խնդիր չի ունեցել։ Բժշկական միջամտությունները կատարվել են Էջմիածնի «Մաստեր Մեդ» բժշկական կենտրոնում։
Ավելի վաղ համացանցում կադրեր էին հայտնվել, որոնցում երևում էր՝ ինչպես է Մայր Աթոռի բակում Տեր Վրթանեսի ինքնազգացողությունը վատացել, նա պառկած էր գետնին, բժիշկները նրան առաջին բուժօգնություն էին ցուցաբերում։
Վրթանես քահանա Բաղալյանը Բյուրականի Սուրբ Հովհաննես եկեղեցու հոգևոր սպասավորն է, 4 զավակ ունի։
