30.10.2026 | 16:27
«Արծվիկ Մինասյանը շարունակում է ՀՅԴ անդամ լինել»․ ԱԺ-ում քննարկվում է նրա թեկնածության հարցը․ ՏԵՍԱՆՅՈՒԹ
«Կյանքի և մահվան խնդիր է»․ Տեր Վրթանեսին պետք է շտապ վիրահատեն
Քաղաքականություն
18.12.2025 | 20:03
Վրթանես քահանա Բաղալյանն այս պահին Էջմիածնի «Մաստեր Մեդ» բժշկական կենտրոնում է, նրա մոտ սրտամկանի ինֆարկտ է գրանցվել։ Այս մասին Factor TV-ի հետ զրույցում հայտնեց Տեր Ղևոնդը։
«Բժիշկներն ասում են՝ կյանքի և մահվան խնդիր է, պետք է սիրտն անպայման զոնդավորեն։ Հենց հիմա այդ խնդրով այստեղ ենք»,- նշեց նա՝ հավելելով՝ քահանայի վիճակի վերաբերյալ այլ տեղեկություն այս պահին չունի։
Ավելի վաղ համացանցում կադրեր էին հայտնվել, որոնցում երևում էր՝ ինչպես է Մայր Աթոռի բակում Տեր Վրթանեսի ինքնազգացողությունը վատացել, նա պառկած էր գետնին, բժիշկները նրան առաջին բուժօգնություն էին ցուցաբերում։
Վրթանես քահանա Բաղալյանը Բյուրականի Սուրբ Հովհաննես եկեղեցու հոգևոր սպասավորն է։
Եվգենյա Համբարձումյան
