02.10.2026 | 17:14
ԵՏՄ-ում Հայաստանի կառուցողական աշխատանքի շարունակության հույս ունենք․ Օվերչուկ
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Հասարակություն
18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է։ Քննչական կոմիտեից Factor TV-ին փոխանցեցին, որ դեպքի առթիվ նախաձեռնվել է քրեական վարույթ Քրեական օրենսգրքի 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)։ Factor TV-ի տեղեկություններով՝ տնօրենը ձերբակալվել է ապօրինի զենք կրելու կասկածանքով։
Ավելի վաղ «Իշխանություն» լրատվականը գրել էր, որ իր տեղեկություններով՝ առավոտյան դիմակավորված հատուկ ջոկատայինները ներխուժել են ՀՀ ԱԺ նախկին պատգամավոր Լեդի Հակոբ մականունով հայտնի Հակոբ Հակոբյանին պատկանող Մալաթիայի «Ոսկու շուկա» և ձերբակալել շուկայի տնօրենին․
«Դիմադրության հետևանքով հատուկ ջոկատայինները ֆիզիկական ուժ են կիրառել՝ հարվածելով և գետնին տապալելով ներկաներին. մեկ կին վնասվածք է ստացել»,- գրում է լրատվամիջոցը։
