18.05.2026 | 11:55
Ընդամենը 3 մլն դրամ եկամուտ. ինչ է հայտարարագրել ԱԺԲ-ի ցուցակի առաջին համարը
Բենթլի քշող սրբազա՞նն է մաքրելու մեր եկեղեցին․ Նարեկ Կարապետյան․ ՏԵՍԱՆՅՈՒԹ
Քաղաքականություն
18.12.2025 | 17:07
«Նիկոլ Փաշինյանը պառակտում է մեր եկեղեցին, պառակտում է մեր հասարակությանը: Մենք բոլորս գիտենք՝ ինչպես են հոգևոր դասի երեսները հայտնվել այդ վիճակում»,- այս մասին Մայր Աթոռի բակում լրագրողների հետ զրույցում նշեց «Մեր ձևով» շարժման համակարգող Նարեկ Կարապետյանը:
Նրա խոսքով՝ խնդիրների կան ոչ միայն հայ, այլ նաև մյուս եկեղեցիներում, սակայն Հայ Առաքելական եկեղեցին տարբերվում է մնացածից։
«Մեզ թվում է, թե այդպես չէ, բայց ես վստահեցնում եմ ձեզ, այլ եկեղեցիներից նաև իր բնույթով, ինտերիերով: Երբ որ դուք նայում եք մեր եկեղեցու մեջ, չկան ոսկեջրած բաներ: Համեստության և ժուժկալության մասին է մեր եկեղեցին»,- ասաց նա՝ հռետորական հարց տալով՝ եկեղեցու խնդիրները «Բենթլի» քշող սրբազա՞նն է լուծելու:
Հիշեցնենք՝ երեկ Ամենայն հայոց Գարեգին 2-րդ կաթողիկոսի դեմ ընդվզած 10 եպիսկոպոսները հայտարարություն տարածեցին՝ կոչ անելով հոգևորականներին ու հավատացյալներին այսօր ժամը 17-ին հավաքվել Մայր Աթոռում։
«Եկեք և միացեք մեզ համայն հայության հոգևոր կենտրոն Մայր Աթոռ Սուրբ Էջմիածնում` Ամենայն Հայոց Կաթողիկոս Գարեգին Բ-ին ՀԱՆԳՍՏԻ ԿՈՉԵԼՈՒ ԱՐԴԱՐ ՊԱՀԱՆՋՈՎ, որն այլևս դարձել է անհետաձգելի անհրաժեշտություն։ Թող Ամենակարող Աստված օրհնի մեր համազգային առաքելությունը և իրականություն դարձնի հոգևոր սպասավորների և հավատացյալների տարիների երազանքն ու ցանկությունը»,- նշվում էր հաղորդագրության մեջ։
Եվ մինչ այս հաղորդագրությունը տարածում էին իշխող ուժի համակիրները՝ իրենց հերթին կոչ անելով գնալ Մայր Աթոռ, Արագածոտնի թեմը հայտարարություն տարածեց ֆեյսբուքյան էջում։ Դեռևս դեկտեմբերի 16-ին թեմը գրել էր, որ դեկտեմբերի 18-ին ժամը 19:00-ին Բյուրականի Սուրբ Հովհաննես եկեղեցում կկատարվի միասնական ժամերգություն և միասնական աղոթք:
Ընդվզած եպիսկոպոսների հայտարարությունից հետո պատարագի վայրը և ժամը փոխվեց․ «Դեկտեմբերի 18-ին ժամը 17:00-ին միասնական ժամերգությունը տեղի կունենա Մայր Աթոռ Սուրբ Էջմիածնում: Հայցում ենք ամենքիդ աղոթական ներկայությունը միասնական ժամերգությանը: Միասին աղոթենք անազատության մեջ գտնվող մեր հոգևոր հայրերի, ազատազրկված ու գերեվարված զավակների և մեր Սուրբ Եկեղեցու անսասանության համար»:
Մանրամասները՝ տեսանյութում։
