31.01.2026 | 19:27
Ինչ իրավիճակ է Հայաստանի ճանապարհներին և Լարսում
Զելենսկին հայտնել է ԱՄՆ-ում Կիևի ու Վաշինգտոնի ներկայացուցիչների առաջիկա հանդիպման մասին
Քաղաքականություն
18.12.2025 | 15:20
Ուկրաինական պատվիրակությունն արդեն մեկնել է Միացյալ Նահանգներ՝ խաղաղության բանակցությունների համար։ Հանդիպմանը կարող են մասնակցել նաև եվրոպացի գործընկերները։ Այս մասին լրագրողներին ասել է Ուկրաինայի նախագահ Վլադիմիր Զելենսկին, գրում է ՌԲԿ Ուկրաինան։
«Դոնբասի և մեր դիրքորոշման վերաբերյալ մի քանի հարցեր կան։ Ես արդեն մի քանի անգամ խոսել եմ այս մասին։ Մենք բոլորս գիտենք Ռուսաստանի դիրքորոշումը։ Նրանք ուզում են գրավել ամբողջ Դոնբասը, իսկ հիմա ուզում են, որ մենք դուրս գանք Դոնբասից»,- ասել է Զելենսկին։
Նա նշել է, որ Ուկրաինան պատրաստ չէ համապատասխան քայլեր ձեռնարկել, ուստի ԱՄՆ-ը փոխզիջում է փնտրում։
«Թիմերը կհանդիպեն՝ քննարկելու այս ծրագրի 20 կետերը, անվտանգության երաշխիքները, վերականգնման համաձայնագիրը՝ բոլոր փաստաթղթերը, բոլոր հնարավոր քայլերը։ Ուրբաթից շաբաթ։ Մեր թիմը կլինի Միացյալ Նահանգներում։ Նրանք արդեն ԱՄՆ-ի ճանապարհին են, ամերիկացիները սպասում են նրանց։ Ես չգիտեմ, թե էլ ով կարող է ներկա լինել։ Գուցե՝ եվրոպացիները կլինեն այնտեղ»,- ասել է Ուկրաինայի ղեկավարը։
Politico-ն, հղում անելով երկու անանուն աղբյուրների, գրել էր, որ Ռուսաստանի և ԱՄՆ-ի պատվիրակություններն առաջիկա հանգստյան օրերին՝ դեկտեմբերի 20-21-ին, Մայամիում բանակցություններ կանցկացնեն Ուկրաինական պատերազմի դադարեցման շուրջ։
Միևնույն ժամանակ, Axios-ը, հղում անելով անանուն ամերիկացի պաշտոնյայի, հաղորդել է, որ Ուկրաինայի և ԱՄՆ-ի միջև բանակցությունների նոր փուլը նույնպես նախատեսված է հանգստյան օրերին՝ Մայամիում: Ակնկալվում է, որ քննարկումներին կմասնակցեն զինվորականներ:
Թարգմանությունը՝ Էմմա Չոբանյանի
