Կիևի «Դինամոն» գլխավոր մարզիչ է նշանակել «Նոայի» դեմ խաղից առաջ

Իգոր Կոստյուկը նշանակվել է Ուկրաինայի չեմպիոն Կիևի «Դինամոյի» գլխավոր մարզիչի պաշտոնում։ Այդ մասին հայտարարել է ակումբի նախագահ Իգոր Սուրկիսը։ Մինչև այս ուկրաինացի մասնագետը «Դինամոյի» գլխավոր մարզիչի պաշտոնակատարն էր։

«Իգոր Վլադիմիրովիչը տաղանդավոր մարզիչ է, որն արդեն երկար տարիներ աշխատում է մեր ակումբում։ Նա դաստիարակել է տաղանդավոր երիտասարդ ֆուտբոլիստների ոչ մեկ սերունդ, նրանցից շատերն այսօր հանդես են գալիս եվրոպական թոփ առաջնություններում։

Նա լավ է ճանաչում «Դինամոյի» երիտասարդներին և չի վախենում վստահել երիտասարդ խաղացողներին, որոնք արդեն հասցրել են իրենց դրսևորել առաջին թիմի մակարդակում։ Նա այնպիսի մարզիչ է, որը կարողանում է ճիշտ մոտեցում գտնել ֆուտբոլիստների նկատմամբ։

Ակումբում աշխատանքի ընթացքում Կոստյուկն ապացուցել է իր պրոֆեսիոնալիզմն ու բարձր որակավորումը, ինչպես նաև իրեն լավ է դրսևորել գլխավոր մարզչի պարտականությունները կատարողի դերում՝ թիմի համար ծայրահեղ բարդ ժամանակահատվածում։

Ակումբի ղեկավարությունը լիովին վստահում է Իգոր Վլադիմիրովիչին և համոզված է, որ նա ի վիճակի է թիմը հասցնել արժանի տեղին ուկրաինական և եվրոպական ֆուտբոլում»,- Իգոր Սուրկիսի խոսքը մեջբերում է Sport.ua-ն։

Կիևի «Դինամոն» պատրաստվում է Հայաստանի չեմպիոն ու գավաթակիր «Նոայի» դեմ Կոնֆերենցիաների լիգայի 6-րդ տուրի հանդիպմանը։ Ուկրաինական ակումբը «Նոային» կընդունի չեզոք դաշտում։ Հանդիպումը կկայանա նոյեմբերի 18-ին Լեհաստանի Լյուբլին քաղաքի «Լյուբլին Արենա» ստադիոնում ու կմեկնարկի Երևանի ժամանակով կեսգիշերին։

«Նոան» 5 խաղից հետո ունի 8 միավոր և Լիգայի փուլի վերջին տուրից առաջ գործնականում ապահովել է փլեյ-օֆֆի ուղեգիրը, իսկ «Դինամոն» վաստակել է 3 միավոր ու կորցրել է հաջորդ փուլ դուրս գալու շանսերը։