10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Տարեսկզբին Factor TV-ի հետաքննությունների հիմքով սկսած ուսումնասիրությունը դատախազությունը դեռ շարունակում է
Հասարակություն
17.12.2025 | 13:35
Երևան քաղաքի դատախազությունը շարունակում է ուսումնասիրել մայրաքաղաքում անօրինական գործող բենզալցակայանների խնդիրը։
Դեռևս այս տարվա փետրվարին Factor TV-ի «Վտանգավոր և անօրինական. Երևանում 63 բենզալցակայան գործում է առանց թույլտվության․ ՓաստաՔՆՆՈՒԹՅՈՒՆ» հրապարակման հիման վրա Երևան քաղաքի վարչական շրջանների դատախազություններին հանձնարարվել էր իրականացնել ուսումնասիրություն՝ պետական շահերի պաշտպանության հայց հարուցելու լիազորությունների իրացման շրջանակներում։
Factor TV-ն Գլխավոր դատախազությունից հետաքրքրվեց՝ ուսումնասիրությունն ավարտվե՞լ է, ի՞նչ է պարզվել, անօրինական գործող բենզալցակայանների սեփականատերերը ի՞նչ պատասխանատվության են ենթարկվել, ի՞նչ քայլեր են ձեռնարկվել անօրինական գործող բենզալցակայանների գործունեությունը դադարեցնելու ուղղությամբ, ո՞ր պետական պաշտոնյաները և ինչպիսի՞ պատասխանատվության են ենթարկվել մայրաքաղաքում անօրինական գործունեություն թույլ տալու համար։
«Ուսումնասիրությունը շարունակվում է։ Արդյունքների մասին լրացուցիչ կտեղեկացնենք»,- պատասխանել են դատախազությունից։
Հիշեցնենք, որ Factor TV-ն հետաքննել և պարզել էր, որ Երևանում 63 բենզալցակայան չունի հեղուկ վառելիքի վաճառքի թույլտվություն, բայց վաճառում է։ Նաև ներկայացրել էր, թե ովքեր են իրավապահների աչքի առաջ օրենք խախտող այդ ընկերությունների սեփականատերերը։
Գայանե Խաչատրյան
