22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
89 վարորդ տուգանվել է վարելիս նվագարկչի՝ ստանդարտին չհամապատասխանող լրացուցիչ ուժեղացուցիչներ օգտագործելու համար
Հասարակություն
15.12.2025 | 19:50
Դեկտեմբերի 8-ից 15-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4613 խախտում՝ պահպանվող հատուկ տարածք տեղափոխելով 151 ավտոմեքենա։ Այս մասին տեղեկացնում է ՆԳՆ ոստիկանությունը։
«Մասնավորապես, հայտնաբերվել է ոչ սթափ 147 վարորդ, առանց վարորդական իրավունքի վկայականի՝ 220, կեղծ վարորդական վկայականով երթևեկող՝ 1 անձ։ Հայտնաբերվել է հաշվառման համարանիշի հետ կապված՝ 35, չամրակապված վարելու՝ 584, առանց մանկական նստատեղի՝ քարսիթի՝ 12, վարելու ընթացքում ծխելու՝ 383, վարելիս հեռախոսից օգտվելու՝ 252, հետիոտնի՝ ոչ սահմանված վայրով անցնելու՝ 55 և 1588 այլ իրավախախտում։ 140 մեքենա շահագործվել է առանց ԱՊՊԱ պայմանագրի, 195-ը՝ տեխնիկական զննություն չանցած, 104-ը՝ լուսարձակների անսարքությամբ, 127-ը՝ թաղանթապատված դիմապակիով և կողային ապակիներով, 129-ը առանց ձմեռային անվադողերի: 5 վարորդ տուգանվել է վարելիս նվագարկչի՝ ստանդարտին չհամապատասխանող լրացուցիչ ուժեղացուցիչներ օգտագործելու համար։ Բացի այդ, տարբեր կասկածանքներով ձերբակալվել ու Համայնքային ոստիկանության բաժիններ է տարվել 68 անձ»,- ասված է հաղորդագրության մեջ։
Հաղորդվում է, որ նույն ժամանակահատվածում մարզերում պարեկները հայտնաբերել են ճանապարհային երթևեկության կանոնների 13698 խախտում՝ պահպանվող հատուկ տարածքներ տեղափոխելով 259 տրանսպորտային միջոց։
«Հայտնաբերվել է ոչ սթափ 208 վարորդ, առանց վարորդական իրավունքի վկայականի՝ 390, կեղծ վարորդական վկայականով երթևեկող՝ 17 անձ։ Հայտնաբերվել է նաև հաշվառման համարանիշի հետ կապված՝ 89, չամրակապված վարելու՝ 2514, առանց մանկական նստատեղի՝ քարսիթի՝ 129, վարելու ընթացքում ծխելու՝ 326, վարելիս հեռախոսից օգտվելու՝ 421, հետիոտնի՝ ոչ սահմանված վայրով անցնելու՝ 130, արագության գերազանցման՝ 2477 և 4150 այլ իրավախախտում։ 445 ավտոմեքենա շահագործվել է առանց ԱՊՊԱ պայմանագրի, 983-ը՝ տեխնիկական զննություն չանցած, 971-ը՝ լուսարձակների անսարքությամբ, այդ թվում՝ 51 բեռնատար, 209-ը՝ թաղանթապատված դիմապակիով և կողային ապակիներով, 594-ը՝ առանց ձմեռային անվադողերի։ 84 վարորդ տուգանվել է վարելիս նվագարկչի՝ ստանդարտին չհամապատասխանող լրացուցիչ ուժեղացուցիչներ օգտագործելու համար։ Բացի այդ, տարբեր կասկածանքով ձերբակալվել ու Համայնքային ոստիկանության տարածքային բաժիններ է տարվել 52 անձ»- հայտնել է ոստիկանությունը։
