27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
«Լեգիայի» երկրպագուները շնորհակալություն են հայտնել ՖԱՖ-ին
15.12.2025 | 13:11
Լեհական «Լեգիայի» երկրպագուները շնորհակալություն են հայտնել ՖԱՖ երկրպագուկան շարժմանը Երևանում ջերմ ընդունելության ու աջակցության համար։
«Պյաստ Գլիվիցեի» դեմ Լեհաստանի առաջնության նախորդ տուրի խաղում «Լեգիայի» երկրպագուները տրիբունայում ցուցադրել են FAF Respect գրությամբ պաստառ։
ՈՒԵՖԱ-ի արգելքի պատճառով «Լեգիայի» երկրպագուները չէին կարող ներկա լինել Հայաստանի չեմպիոն ու գավաթակիր «Նոայի» դեմ Կոնֆերենցիաների լիգայի 5-րդ տուրի հանդիպմանը, սակայն շուրջ 700 լեհեր ժամանել էին Երևան և խաղը դիտել Վազգեն Սարգսյանի անվան «Հանրապետական» ստադիոնից։
Հիշեցնենք, որ «Նոան» 2։1 հաշվով կամային հաղթանակ էր տարել «Լեգիայի» նկատմամբ, վաստակել 8 միավոր և գործնականում ապահովել Կոնֆերենցիաների լիգայի փլեյ-օֆֆի ուղեգիր։ Լիգայի փուլի վերջին տուրում Սանդրո Պերկովիչի գլխավորած թիմը դեկտեմբերի 18-ին արտագնա հանդիպում է անցկացնելու Կիևի «Դինամոյի» հետ, որն ունի 3 միավոր և կորցրել է հաջորդ փուլ դուրս գալու շանսերը։
