18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Մահացել է կոմպոզիտոր Լևոն Օգանեզովը
Մշակույթ
15.12.2025 | 12:22
Կոմպոզիտոր և Ռուսաստանի ժողովրդական արտիստ Լևոն Օգանեզովը մահացել է 84 տարեկան հասակում։ Այս մասին ՏԱՍՍ-ին հայտնել է նրա զարմիկը՝ բանաստեղծ Կարեն Կավալերյանը, գրում է Meduza-ն։ Նա նշել է, որ մահվան պատճառը երկարատև հիվանդությունն է եղել։
Լևոն Օգանեզովը ծնվել է Մոսկվայում 1940 թվականին և ավարտել է Մոսկվայի Չայկովսկու անվան կոնսերվատորիայի դաշնամուրի բաժինը 1967 թվականին։ Նա ճանաչում է ձեռք բերել որպես նվագակցող և կոնցերտմայստեր՝ համագործակցելով Կլավդիա Շուլժենկոյի, Մարկ Բերնսի, Վալենտինա Տոլկունովայի, Իոսիֆ Կոբզոնի, Լարիսա Գոլուբկինայի և այլոց հետ։
Վերջին տարիներին երաժիշտը բնակվում էր Նյու Յորքում։ Հաղորդվում է, որ Լևոն Օգանեզովի հոգեհանգստի արարողությունը տեղի կունենա դեկտեմբերի 16-ին։ Նա կհուղարկավորվի Նյու Յորքի Քենսիկոյի գերեզմանատանը։
Թարգմանությունը՝ Էմմա Չոբանյանի
