30.10.2026 | 22:01
Տոկաևն առաջարկել է Ռուսաստանին ընդգրկել Թյուրքական պետությունների կազմակերպության կազմում
Տոնածառի լույսերի վառման օրը մետրոպոլիտենն ավելի երկար է գործելու
Հասարակություն
13.12.2025 | 14:21
Դեկտեմբերի 14-ին,Երևանի գլխավոր տոնածառի լուսյսերի վառման տոնական արարողությամբ պայմանավորված՝ Երևանի մետրոպոլիտենը գործելու է մինչև դեկտեմբերի 15-ի՝ 01:00։ Այս մասին հայտնում են Երևանի մետրոպոլիտենից։
Նշենք՝ սովորաբար մետրոպոլիտենը գործում է մինչև 23։00-ն։
Factor.am-ի հարցին ի պատասխան Երևանի քաղաքապետարանի աշխատակազմի լրատվության վարչությունից ավելի վաղ հայտնել են՝ բացի այդ, կցուցադրվի ամանորյա մյուզիքլ և տեղի կունենա հրավառություն։
Բացի այս ամենից, քաղաքապետարանից նաև անակնկալ են խոստանում։
Հիշեցնենք, որ Հանրապետության հրապարակն Ամանորին պատրաստելու համար համայքային բյուջեից ավելի քան 607 միլիոն դրամ է հատկացվել։ Երգող շատրվանների տարածքի ձևավորման, Սուրբծննդյան տոնավաճառի կազմակերպման և գլխավոր տոնածառի լույսերի վառման արարողության համար «Ֆակտորի փրոդաքշն» ընկերությանը 340 միլիոն դրամ է հատկացվել։ Գլխավոր տոնածառի ճյուղերն ու լույսերն այս տարի նոր են․ դրանք մատակակարել է «Սինեմարտ» ընկերությունը։
