18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
ԱԺ հանձնաժողովները կմասնակցեն կառավարության կազմավորմանը․ ի՞նչ փոփոխություններ են նախանշվում Սահմանադրությունում
Քաղաքականություն
13.12.2025 | 13:51
Ազգային ժողովի գլխադասային հանձնաժողովները իրավունք և իրավական հնարավորություն ունենան մասնակցելու կառավարության կազմավորմանը։ Այս մասին Սահմանադրական բարեփոխումների խորհրդի դեկտեմբերի 12-ի նիստին հայտնել է արդարադատության նախարար Սրբուհի Գալյանը։
Խորհուրդը նիստի ընթացքում քննարկել է շրջակա միջավայրի պահպանության և կայուն զարգացման, զինված ուժերի վերաբերյալ հարցերը, ինչպես նաև քննարկել և քվեարկել է Կառավարության կազմավորման վերաբերյալ հարցը:
«Բայց բաց հարց էր մնացել ժամկետների հետ կապված խնդիրը, որովհետև այնպես էր ստացվում, որ Ազգային ժողովի հանձնաժողովի ձևավորման ժամկետի հետ կապված կարող է չհամապատասխանեին կարգավորումները կառավարության ձևավորման ժամկետին։ Հիմա նախատեսել ենք, որ կառավարությունը պետք է կազմավորվի մեկամսյա ժամկետում, ժամանակավոր պաշտոնակատարների ինստիտուտն ենք ներմուծել Սահմանադրություն, որպեսզի առաջին կազմի ներկայացուցիչների վերաբերյալ ևս եզրակացություն տալու հնարավորություն ունենան գլխադասային հանձնաժողովի անդամները, թե որ նախարարին, որ գլխադասային հանձնաժողովը պետք է, այսպես ասած, քննի և կարծիք տա, դա կսահմանվի ԱԺ կանոնակարգ օրենքով, այսինքն, Սահմանադրությամբ այս առումով խնդիր չունենք լուծելու»,-նշել է նախարարը։
