Հաղորդաշարեր
13.12.2025 | 19:00«Շենք կառուցելու փոխարեն ծառ տնկենք. Երևանը հասել է Աշտարակ: Բայց ծառատունկերն էլ լոկալ լուծումներ են, մենք պետք է սահմանենք՝ ինչպիսի Երևան ենք ուզում՝ արևային փոքրիկ քաղաք, թե՞ մեծ՝ Մազմանյանի նախագծածի նման: Երևանի նման բարդագույն ռելիեֆով քաղաքն այսօր չունի գլխավոր ճարտարապետ, դա նույնն է, թե նվագախումբը չունենա դիրիժոր»,-Factor TV-ի հետ զրույցում տեսակետ է հայտնում ճարտարապետ Կարեն Բալյանը:
Նրա խոսքով՝ կես դար է՝ Երևանը չունի քաղաքաշինական կոնցեպտ, իսկ վերջին քառորդ դարում շինարարությունների հերթական շղթան ենք ունեցել. «Մենք ամեն բանի հասնում ենք նախկինը քանդելով. սա արատավոր և տխուր պրակտիկա է, վերջին քառորդ դարում քաղաքաշինական ձախողումների շղթայի մեջ ենք»:
Ճարտարապետն անդրադառնում է, օրինակ, Օրբելի-Բաղրամյան խաչմերուկի հատվածում նախատեսված 35 հարկանի 5 երկնաքերերի կառուցմանը. «Այդպիսով փակվում է Հրազդանի կիրճի գեղեցկագույն լանդշաֆտը՝ քաղաքի թոքերը, կանաչ գոտին: Տպավորություն է, թե մենք կառուցում ենք շենքեր ուրիշների, ոչ մեզ համար: Բայց չէ՞ որ այդ մարդիկ, որոնք պետք է ապրեն այդ շենքերում, իրենք էլ, կառուցապատողն ու իր ընտանիքն էլ են զրկվում էկոլոգիապես մաքուր միջավայրից»:
Մանրամասները՝ տեսանյութում:
Աննա Բաբաջանյան
