10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
5 խաղ, 5 գոլ․ «Նոայի» հարձակվողը Կոնֆերենցիաների լիգայի լավագույն ռմբարկուն է
12.12.2025 | 14:07
Հայաստանի չեմպիոն ու գավաթակիր «Նոայի» բոսնիացի հարձակվող Նարդին Մուլահուսեյնովիչը Կոնֆերենցիաների լիգայի 5-րդ տուրից հետո գլխավորում է ռմբարկուների ցուցակը։
27-ամյա ֆուտբոլիստը դարձել է 5 գոլի հեղինակ՝ աչքի ընկնելով բոլոր 5 խաղերում։ Նույքան գոլ է խփել նաև սլովենական «Ցելյեի» խորվաթ հարձակվող Ֆրանկո Կովաչևիչը։ Ռմբարկուների ցուցակում երրորդը «Սամսունսփորի» հարձակվող Մարիուսն է, որը դարձել է 4 գոլի հեղինակ։
Կոնֆերենցիաների լիգայի 5-րդ տուրում Նարդին Մուլահուսեյնովիչը գոլի ու գոլային փոխանցման հեղինակ էր դարձել լեհական «Լեգիայի» դեմ հաղթական խաղում (2։1)։ 5 խաղից հետո երևանյան ակումբն 8 միավորով 17-րդ տեղում է և նախավերջին տուրից առաջ գործնականում ապահովել է փլեյ-օֆֆի ուղեգիրը։ Կոնֆերենցիաների լիգայում փլեյ-օֆֆ են դուրս գալիս 1-24-րդ տեղ գրաված թիմերը։ Լիգայի փուլի վերջին տուրում Սանդրո Պերկովիչի գլխավորած թիմը դեկտեմբերի 18-ին արտագնա հանդիպում է անցկացնելու Կիևի «Դինամոյի» հետ, որն ունի 3 միավոր և կորցրել է հաջորդ փուլ դուրս գալու շանսերը։
Լուսանկարը՝ «Նոայի» մամուլի ծառայության։
