09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Քննարկվել են Սյունիքի մարզի զբոսաշրջային ծրագրերը
Տնտեսություն
19.07.2017 | 20:32
ՀՀ տնտեսական զարգացման և ներդրումների նախարար Սուրեն Կարայանը, Սյունիքի մարզպետ Վահե Հակոբյանի և Հայաստանի զբոսաշրջության զարգացման հիմնադրամի գործադիր տնօրեն Արա Խզմալյանի հետ, ծանոթացել է Սյունիքի զբոսաշրջային ներուժին ու ներդրումային ծրագրերին: Այս մասին հայտնում է Տնտեսական զարգացման և ներդրումների նախարարության լրատվական ծառայությունը:
Աշխատանքային խումբը մասնավորապես այցելել է Խնձորեսկ, ծանոթացել պատմական հուշարձանի արդի վիճակին, քննարկել բարեկարգմանը և զբոսաշրջային հեռանկարներին առնչվող հարցեր։
Քննարկվել են նաև ներդրումային առավել բարենպաստ միջավայր ձևավորելուն վերաբերող հարցեր, մասնավոր հատվածին ցուցաբերվող պետական աջակցության հնարավոր եղանակները։
Սուրեն Կարայանի գլխավորած աշխատանքային խումբն այցելել է նաև «Գորիս» հյուրանոց: Նախարարը ներդրողի հետ քննարկել է շինարարական աշխատանքների ընթացքը, ներդրումային ծրագրի փուլերը: Հյուրանոցի սեփականատեր Սենիկ Ջուլհակյանը նշել է, որ արդեն իսկ իրականացվել են մեծածավալ ներդրումներ։ Հյուրանոցը վերանորոգման աշխատանքների ավարտին կընդունի 250-ից ավելի այցելուի:
Հյուրանոցը նախատեսում է նաև համագործակցություն Գորիսի պետական համալսարանի հետ զբոսասշրջության մասնագետների պատրաստման նպատակով։ Նշենք, որ Գորիսը հռչակվել է 2018 թ. ԱՊՀ մասնակից պետությունների մշակութային մայրաքաղաք։
Նախարարը, այցելելով Մեղրիի մաքսակետ, ուսումնասիրել է նաև իրանցի զբոասշրջիկներին մատուցվող տեղեկատվական ծառայությունները, ծանոթացել նրանց պահանջներին, քննարկելզբոսաշրջային հոսքերի առավել արդյունավետ համակարգման խնդիրներն ու հեռանկարները:
