19.08.2026 | 09:33
ՀՀ տարածքում ավտոճանապարհներն անցանելի են
Արցախի ղեկավարների շինծու գործերով նիստում կողմերին հնարավորություն է տրվել իրացնել իրենց պատասխանի իրավունքը
Քաղաքականություն
11.12.2025 | 15:25
Բաքվի զինվորական դատարանում Արցախի ղեկավարների շինծու գործերով հերթական դատական նիստին կողմերին հնարավորություն է տրվել իրացնել իրենց պատասխանի իրավունքը։ Գլխավոր դատախազի ավագ օգնական Վուսալ Ալիևը նախ քննարկել է գործի այն մասը, որը կասկածի տակ է դնում հայ գերիների դերը հանցավոր խմբում, գրում են ադրբեջանական լրատվամիջոցները։
Մեղադրող կողմի խոսքով՝ դատավարության ժամանակ ներկայացված ապացույցները հաստատել են, որ, իբր, վերոնշյալ հանցավոր խմբերը սկսել են ձևավորվել Առաջին Ղարաբաղյան պատերազմի սկսվելուց մի քանի տարի առաջ։
«Ներկայացված ապացույցները հաստատեցին, որ այս խմբերն իրոք աջակցվել և զինվել են Հայաստանի ղեկավարության կողմից։ Սակայն ավելի ուշ մենք պարզեցինք, որ այս զինված խմբերի ղեկավարներն ու անդամները կարևոր քաղաքական և ռազմական պաշտոններ են զբաղեցրել, այսպես կոչված, կազմակերպությունում, որը ստեղծվել է Ադրբեջանի օկուպացված տարածքներում։ Այսինքն՝ այս խմբերը պատահական, կամայական ստորաբաժանումներ չէին, այլ հետագայում դարձան ադրբեջանական տարածքն օկուպացրած հանցավոր բանակի մաս։ Ինչ վերաբերում է մեղադրյալներին, օրինակ՝ Դավիթ Մանուկյանը Շուշիի գումարտակի անդամ էր, իսկ Դավիթ Իշխանյանը՝ Մարտունու 28-րդ գումարտակի հրամանատարը։ Այս և այլ գումարտակները ներկայացնում էին վերոնշյալ անօրինական խմբերի վերանվանված, ավելի կազմակերպված և ռազմականացված ձևը»,- հայտարարել է Ալիևը։
Նիստը շարունակվում է։
Նախորդ նիստում Արայիկ Հարությունյանի, Բակո Սահակյանի, Դավիթ Իշխանյանի ու այլ գերիների փաստաբանները Բաքվի դատարանին խնդրել էին արդարացնել իրենց պաշտպանյալներին։
Թարգմանությունը՝ Էմմա Չոբանյանի
