14.09.2026 | 22:01
Հայաստանի մի շարք հասցեներում էլեկտրաէներգիայի անջատումներ կլինեն
Խուզարկում են Արցախի ներկայացուցչության շենքը
Հասարակություն
11.12.2025 | 13:34
ՔԿ-ն խուզարկություն է իրականացնում ՀՀ-ում Արցախի Հանրապետության ներկայացուցչության շենքում, այս մասին տեղեկացնում է «Պատիվ ունեմ» խմբակցության քարտուղար Տիգրան Աբրահամյանը․
«Արցախի ներկայացուցչությունում, արցախցիների վերադարձին վերաբերվող խորհրդարանական լսումներից մեկ օր անց` այսօր, Քննչական կոմիտեն ներկայացուցչությունում խուզարկություններ է իրականացնում: Մինչ Ադրբեջանը ճնշում է գործադրում ՀՀ իշխանության վրա, առաջ քաշում արհեստական «Արևմտյան Ադրբեջան» հասկացությունն ու ադրբեջանցիների վերադարձով սպառնում, ՀՀ իշխանությունն Ադրբեջանին հաճո հերթական քայլն է անում»:
Factor.am-ը կապ հաստատեց Քննչական կոմիտեի հետ պարզելու, թե որ գործի շրջանակներում է տեղի ունենում խուզարկությունը։
«Քրեական վարույթի շրջանակում կատարվում են անհրաժեշտ քննչական գործողություններ», – նշեցին կառույցից՝ առանց հստակեցնելու գործի մանրամասները։
Ռոզա Վարդանյան
