29.07.2026 | 11:28
ՌԴ-ն Պավել Դուրովին մեղադրում է ահաբեկչությանը նպաստելու մեջ․ նրա նկատմամբ միջազգային հետախուզում կհայտարարվի
Ո՞վ է վերացրել իրեղեն ապացույցները՝ քննիչներն ու դատախազները, որոնք չեն պատժվել․ Օհանջանյանի մայր․ ՏԵՍԱՆՅՈՒԹ
Հասարակություն
10.12.2025 | 12:10
«150 էջանոց ապացույցը ի՞նչ եղավ։ Ես խոսքս ուղղում եմ տիկին Վարդապետյանին ու Նիկոլ Փաշինյանին՝ ու՞ր մնացին ձեր խոստումները»,- ասուլիսում այսօր այսպիսի հարց բարձրացրեց 2007 թվականի օգոստոսի 30-ին Կարճաղբյուրի զորամասերից մեկում խաղաղ պայմաններում մահացած Տիգրան Օհանջանյանի մայրը։
«Գիտենք, որ սուտասան եք, բայց էդ աստիճանի՞։ Տիկին Վարդապետյանն ԱԺ-ում հայտարարեց, որ ի սկզբանե վերացվել են Տիգրան Օհանջանյանի գործով իրեղեն ապացույցները։ Ո՞վ է վերացրել, տուժողի իրավահաջո՞րդը։ Վերացրել են քննիչները, դատախազները, որոնք մինչև առ այսօր չեն պատժվել։ Եթե նախկինների ժամանակ են սպանել իմ երեխուն, իրենք նախկիններին թող մեղադրանք առաջադրեն»,- ասաց Տիգրան Օհանջանյանի իրավահաջորդ Գոհար Սարգսյանը՝ եզրակացնելով, որ զինվորի մահը «գործող իշխանության համար կոպեկի նշանակություն չունի»։
Հիշեցնենք, որ պաշտոնական վարկածի համաձայն՝ Տիգրան Օհանջանյանը զորամասի կապի հանգույցի մոտ հպվելով ռադիոռելային կայանը պահող ձգալարին՝ էլեկտրահարվել է և տեղում մահացել: Զինծառայողի ծնողները պնդում են՝ դատաբժիշկները չեն արձանագրել իրենց որդու մարմնի վրա եղած վնասվածքները, որոնք, ըստ նրանց, վկայում են ծեծի մասին։
Մանրամասները՝ տեսանյութում։
Արփի Հակոբյան
