10.12.2025 | 12:10
Ո՞վ է վերացրել իրեղեն ապացույցները՝ քննիչներն ու դատախազները, որոնք չեն պատժվել․ Օհանջանյանի մայր․ ՏԵՍԱՆՅՈՒԹ
Ռուբեն Վարդանյանը Բաքվի դատարանին միջնորդությամբ է դիմել. «տուժողների» ցուցմունքների ուսումնասիրությունն ավարտվել է
Քաղաքականություն
10.12.2025 | 11:15
Բաքվի զինվորական դատարանում Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական նիստում «տուժողների» ցուցմունքներ են լսվել։ Ադրբեջանական լրատվամիջոցների հաղորդմամբ՝ հրապարակվել են նաև գործով ապացույցներ ներկայացնող փորձագիտական եզրակացությունները, արձանագրությունները և այլ փաստաթղթեր։
Այնուհետև նախագահող դատավոր Զեյնալ Աղաևը հայտարարել է քրեական գործի նախաքննության ընթացքում «տուժողների» և նրանց իրավահաջորդների տված ցուցմունքների ուսումնասիրության ավարտի մասին։
Ռուբեն Վարդանյանը հանդես է եկել միջնորդությամբ՝ հայտարարելով, որ ցանկանում է ծանոթանալ քրեական գործին վերաբերող որոշակի փաստաթղթերի, նաև խնդրել է որոշ փաստաթղթեր բացառել գործից։
Նախագահող դատավոր Զեյնալ Աղաևը պատասխանել է, որ Վարդանյանի համար կստեղծվեն համապատասխան պայմաններ, երբ որոշվի, թե կոնկրետ որ փաստաթղթերն է նա ցանկանում ուսումնասիրել։
Գլխավոր դատախազի ավագ օգնական Վուսալ Ալիևն առաջարկել է, որ դատարանն ուսումնասիրի քրեական գործին վերաբերող այլ անհրաժեշտ փաստաթղթեր ևս։
Հաջորդ դատական նիստը տեղի կունենա դեկտեմբերի 12-ին։
Թարգմանությունը՝ Էմմա Չոբանյանի
