09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Եվրոպական հանձնաժողովը հետաքննություն է սկսել Google-ի դեմ
Հաղորդաշարեր
09.12.2025 | 23:31
Եվրոպական հանձնաժողովը հետաքննություն է սկսել՝ պարզելու համար՝ արդյո՞ք Google կորպորացիան խախտում է եվրոպական հակամենաշնորհային օրենքները՝ օգտագործելով առցանց բովանդակություն, այդ թվում՝ YouTube տեսանյութեր արհեստական բանականությանն ուսուցանելու համար։ Այս մասին հայտնում է Reuters-ը, որին վկայակոչում է The Insider-ը։
«Հետաքննությունը, մասնավորապես, կուսումնասիրի՝ արդյո՞ք Google-ը խաթարում է մրցակցությունը՝ հրատարակիչներին և բովանդակության ստեղծողներին անարդար պայմաններ պարտադրելով, թե՞ իրեն արտոնյալ մուտքի իրավունք տալով նման բովանդակությանը, այդպիսով մրցակից արհեստական բանականության մոդելների մշակողներին դնելով անբարենպաստ դրության մեջ»,- ասվում է Եվրոպական հանձնաժողովի հայտարարության մեջ։
Բացի այդ, Google-ի AI Overview որոնման գործիքը, որն օգտատերերին առաջարկում է իրենց հարցմանն ընդհանրացված պատասխան, կազմվել է տարբեր աղբյուրներից ստացված AI-ի միջոցով, ինչը մտահոգություններ է առաջացրել։
Եվրահանձնաժողովը կարծում է, որ Google-ը, հնարավոր է, խախտել է եվրոպական օրենսդրությունը՝ չփոխհատուցելով բովանդակության սեփականատերերին։
Հանձնաժողովը ավելի վաղ պարտավորեցրել էր Իլոն Մասկի X սոցիալական հարթակին վճարել 120 միլիոն եվրո տուգանք՝ Եվրոպական թվային ծառայությունների մասին օրենքը (DSA) խախտելու համար։
Թարգմանությունը՝ Էմմա Չոբանյանի
