30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Մեզ հետ ավելի վատ են վարվել, քան հայերի հետ․ Արցախում շինաշխատանքներ իրականացնող թուրքական ընկերությունը դիմել է Էրդողանին
Քաղաքականություն
09.12.2025 | 23:03
Արցախում շինարարական աշխատանքներ իրականացնող թուրքական Arenol Group ընկերության տնօրեն Թոլգա Շահինը դիմել է Թուրքիայի նախագահ Ռեջեփ Թայիփ Էրդողանին։ Նա պնդում է, որ ընկերության միջոցները յուրացվել են, գործարանները բռնագրավվել են, իսկ ինքը սպառնալիքներ է ստացել։ Այս մասին հայտնում են ադրբեջանական լրատվամիջոցները, որոնք հրապարակել են Շահինի դիմումի տեսանյութը։
«Հարգելի նախագահ Ռեջեփ Թայիփ Էրդողան, Ղարաբաղում տարած հաղթանակից հետո մենք այն թուրքական ընկերություններից մեկն էինք, որոնք հրավիրվել էին՝ օգնելու Ղարաբաղի վերականգնմանը: Մենք Լաչինում և Քելբաջարում իրականացրեցինք 44 նախագիծ, այդ թվում՝ դպրոցներ, գործարաններ, հյուրանոցներ և զինվորական հանրակացարաններ: Նախագահ Իլհամ Ալիևը և Մեհրիբան Ալիևան անձամբ ներկա էին մեր կառուցած շինությունների բացման արարողություններին»,- ասվում է դիմումում:
Միաժամանակ, նա հայտարարել է, որ ամբողջ ունեցվածքն ու միջոցները բռնագրավվել են Լեյլա Ալիևայի անունով:
«Մենք իրավիճակի մասին զեկուցեցինք Թուրքիայի դեսպան Ջավիթ Բաղչիին: Նա պատասխանեց․ «Նրանք կփչացնեն իմ հեղինակությունը, հանգստացեք»: Պարո՛ն նախագահ, նրանք ներխուժել են մեր տուն՝ ձևանալով որպես կեղծ ոստիկաններ: Թուրք գործարարի տնից զենքեր են բռնագրավել: Մեզ հետ ավելի վատ են վարվել, քան հայերի հետ: Մենք խնդրում ենք ձեր օգնությունը»,- ասվում է դիմումում:
Թարգմանությունը՝ Էմմա Չոբանյանի
