29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
Դրոշմավորման QR կոդերի արժեքը կնվազի․ նոր գինը կկիրառվի հունվարի 1-ից
Հասարակություն
09.12.2025 | 18:26
Պետական եկամուտների կոմիտեն առաջարկում է դրոշմավորման ծածկագրերի արժեքը նվազեցնել։
Ներկայումս դրանք տրամադրվում են յուրաքանչյուրը 3.5 դրամ (առանց ԱԱՀ) արժեքով։
Նախագծով առաջարկվում է դրոշմավորման յուրաքանչյուր ծածկագրի տրամադրման համար գինը հաստատել 2.5 դրամ (առանց ԱԱՀ)։ Նշված գինը նախատեսվում է կիրառել 2026 թվականի հունվարի 1-ից մինչև 2028 թվականի դեկտեմբերի 31-ը ներկայացված՝ դրոշմավորման ծածկագրեր ստանալու հայտերի հիման վրա տրամադրվող դրոշմավորման ծածկագրերի նկատմամբ։
Միաժամանակ, նախագծով առաջարկվում է դրոշմավորման ծածկագրերի որոշակի քանակի նկատմամբ գինը հաստատել 0.01 դրամ (առանց ԱԱՀ)։ Նշված քանակը որոշվելու է յուրաքանչյուր հարկ վճարողի համար առանձին՝ հետևյալ կարգով՝ քանակ= (մինչև 01.01.2026 ստացած դրոշմավորման ծածկագրերի քանակ×(3.5դրամ-2.5դրամ))/2.5։
Հիշեցնենք՝ դեռևս այս տարվա մարտին Factor TV-ն գրել էր, որ 44-օրյա պատերազմի օրերին Հայաստանի կառավարության ընդունած որոշմամբ՝ երկրում ներդրվել է ապրանքների դրոշմավորման նոր համակարգ, որը գործարարների համար ստեղծել է հավելյալ ֆինանսական բեռ՝ միլիարդավոր դրամների շահույթ ապահովելով նախկին բարձրաստիճան պաշտոնյաների հետ փոխկապակցված մասնավոր ընկերության համար։
