07.03.2026 | 18:10
Դատախազությունը, չնայած բոլոր սադրանքներին, միշտ լինելու է բարեկիրթ, հարգալից և պրոֆեսիոնալ. Աննա Վարդապետյան
Արշակ արքեպիսկոպոս Խաչատրյանին ձերբակալել են․ փաստաբան
Քաղաքականություն
04.12.2025 | 17:43
ԱԱԾ-ն քննչական կոմիտեի շենքում ձերբակալեց Արշակ սրբազանին, ֆեյսբուքյան գրառմամբ հայտնում է փաստաբան Արսեն Բաբայանը։
Հոկտեմբերին համացանցում տարածվեցին նաև անձնական և ինտիմ բնույթի տեսանյութեր, որոնցում, ըստ պնդումների, պատկերված էին Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանը և նրա քեռակինը։ Դրանք առաջին անգամ հրապարակվեցին Armenian WikiLeaks անունով տելեգրամյան ալիքում։
Արշակ արքեպիսկոպոս Խաչատրյանը հերքել է տեսանյութերի բովանդակության իսկությունը՝ դրանք որակելով «հերյուրանք» և «զրպարտություն»։ Նա, սակայն, չի բացառել, որ հնարավոր է՝ օգտագործված լինեն գաղտնի նկարահանման որոշ տարրեր՝ իրեն նույնականացնելու համար։ Սրբազանը տեղի ունեցածը համարել է քաղաքական հետապնդում՝ ուղղված իր և Հայ Առաքելական եկեղեցու դեմ։ Այս գործով ևս Արշակ արքեպիսկոպոս Խաչատրյանը հարցաքննվել է։
Factor TV-ն փորձում է մանրամասներ պարզել ձերբակալության վերաբերյալ։ Դրանք կներկայացնենք պարզելուն պես։
Հիշեցնենք՝ ավելի վաղ հայտնի էր դարձել, որ Արշակ արքեպիսկոպոս Խաչատրյանը երեք տարբեր քրեական վարույթների շրջանակում հարցաքննության է հրավիրվել Քննչական կոմիտե՝ որպես վկա։ 2 վարույթները, ըստ փաստաբանի, տարօրինակ դեպքերի վերաբերյալ են, որոնց շրջանակում Արշակ արքեպիսկոպոս Խաչատրյանը հարցաքննվել է, սակայն կասկածի շուրջ, այսինքն՝ ունեցել է փաստացի մեղադրյալի կարգավիճակ։
