09.06.2026 | 13:52
ԿԸՀ-ն հրապարակել է քվեարկության արդյունքների արձանագրությունների սկանավորված քաղվածքները
Ձեր կուսակցական ծրագրերով մենք Արցախ ենք կորցրել․ Սեյրան Օհանյան․ ՏԵՍԱՆՅՈՒԹ
Քաղաքականություն
04.12.2025 | 12:09
«Իհարկե, դժվար է, մանավանդ՝ ինձ համար, բանակի մասին քննադատական խոսքեր ասել, բայց իրողությունից ելնելով՝ մենք պետք է համապատասխան որոշում ընդունենք։ Կուսակցական ծրագրերը մեկ այլ բան են, որովհետև ձեր կուսակցական ծրագրերով մենք ամբողջ Արցախն ենք կորցրել»,- պարտադիր ժամկետային զինծառայության ժամկետը կրճատելու վերաբերյալ օրինագծի քննարկման ժամանակ այս մասին ասաց ԱԺ «Հայաստան» խմբակցության ղեկավար Սեյրան Օհանյանը։
«Բայց զինված ուժերի զարգացումը, կազմահաստիքային և կառուցվածքային փոփոխությունները, համալրումը և պատրաստությունն այլ բաներ են։ Պատրաստությունը մեծ խելք չի պահանջում՝ հասկանալու համար. նայում ես զինուսուցման ծրագիրը, և այն արտահայտվում է զորավարժություններում ու զորահանդեսներում»,- նշեց նա։
Օհանյանն ասաց նաև, որ Հայաստանում խախտվել է աշխատավարձերի տրամադրման համակարգը, որովհետև ուժային տարբեր կառույցներում հենց այնպես բարձրացրել են աշխատավարձերը, իսկ բանակում, սահմանին կանգնած զինվորին, որն ամենամեծ դժվարությունն է կրում իր ուսերին, ասում են՝ գնա՛, քննություն հանձնիր։
Մանրամասները՝ տեսանյութում։
Եվգենյա Համբարձումյան
