Կրկնակի աճել են ուսուցիչների կողմից բռնության դեպքերի վերաբերյալ ահազանգերը

2025 թվականի 11 ամիսների ընթացքում կրթության տեսչական մարմինը մանկավարժների կողմից սովորողների (սաների) նկատմամբ կիրառվող ֆիզիկական և հոգեբանական բռնության 32 դիմում է ստացվել։ Factor TV-ի հարցմանն ի պատասխան՝ այս մասին հայտնում են տեսչական մարմնից՝ հավելելով, որ 2024-ին նման 15 նման դիմում է ստացվել։

2024 թվականին ստացված 15 դիմումներից 11-ը (73%) Երևան քաղաքի, 1-ական՝ Արարատի, Արագածոտնի, Գեղարքունիքի, Լոռու մարզերի ուսումնական հաստատությունների վերաբերյալ են:

2025 թվականին ստացված 32 դիմումներից 14-ը (43,7%) Երևան քաղաքի, 3-ը (9,3%)՝ ՀՀ Արարատի, 4-ը (12,5%)՝ ՀՀ Կոտայքի, 5-ը (15,6%)՝ ՀՀ Լոռու, 3-ը (9,3%)՝ ՀՀ Շիրակի, 1-ական՝ ՀՀ Արամավիրի, Վայոց ձորի և Տավուշի մարզերի ուսումնական հաստատությունների վերաբերյալ են:

Նշված 47-ից 15-ի դեպքում դիմումը մասնակիորեն փոխանցվել է նաև իրավապահ մարմիններին:

«Մանկավարժական աշխատողներին կարգապահական տույժի ենթարկելու վերաբերյալ տեղեկատվության տեսչական մարմինը չի տիրապետում: Վերահսկողության ընթացքում տեսչական մարմնի աշխատակիցների և վարույթին մասնակից Հանրապետական մանկավարժահոգեբանական կենտրոնի մասնագետների կողմից ուսումնական հաստատությանը ցուցաբերվում է աջակցություն: Վերահսկողության արդյունքում կրթության բնագավառը կարգավորող օրենսդրության պահանջների խախտումներ արձանագրելու դեպքում տեսչական մարմնի ղեկավարի կողմից ուսումնական հաստատության տնօրենին տրվում է կարգադրություն»,- նշել է տեսչականի ղեկավար Վաղարշակ Մատիկյանը:

Եվգենյա Համբարձումյան