07.09.2026 | 13:21
ՔՀԿ-ի ատամնաբուժական կենտրոնի զուգարանում թմրանյութի նմանվող նյութեր են հայտնաբերվել
Ղազախստանում ադրբեջանական AZAL-ի օդանավի հետաքննության ավարտի ժամկետներն են հայտնել
Քաղաքականություն
03.12.2025 | 19:53
Ղազախստանի փոխվարչապետ Կանատ Բոզումբաևը Մաժիլիսում մեկնաբանել է Ակտաու քաղաքի մերձակայքում ադրբեջանական օդանավի կործանման հետաքննության ընթացքը։ Ադրբեջանական լրատվամիջոցների հաղորդմամբ՝ նա նշել է, որ հետաքննությունը բաժանված է երկու մասի։
«Կա քրեական մաս, որը վարում է Գլխավոր դատախազությունը։ Նրանք կապի մեջ են իրենց ռուս և ադրբեջանցի գործընկերների հետ։ Երկրորդ մասը վերաբերում է Տրանսպորտի նախարարության կողմից անցկացվող հետաքննությանը։ [Ղազախստանի] տրանսպորտի նախարարության հետաքննությունը վերջին փուլում է, ուստի մենք այժմ սպասում ենք տեխնոլոգիայի լիցենզավորողներից կամ սեփականատերերից վերջնական եզրակացության՝ աերոնավիգացիոն սարքեր և այլն։ Մենք պատրաստ ենք ավարտել տրանսպորտի նախարարության հետաքննությունը, գուցե այս տարի կամ հաջորդ տարվա սկզբին»,- նշել է Բոզումբաևը։
Ինչ վերաբերում է Գլխավոր դատախազության հետաքննությանը, նա ասել է, որ «այնտեղ նույնպես առաջընթաց է գրանցվել»։
«Դուք տեսել եք հարևան պետությունների տարբեր ղեկավարների հայտարարությունները։ Հետևաբար, մենք հույս ունենք, որ այնտեղի հետաքննությունը նույնպես կավարտվի հաջորդ տարի»,- ասել է նա։
Ղազախստանի կառավարությունը մինչև 2025 թվականի վերջը տեղեկություն կտրամադրի Ակտաու քաղաքի մերձակայքում «Ադրբեջանական ավիաուղիներ» (AZAL) ավիաընկերության օդանավի վթարի հետաքննության վերաբերյալ, ավելի վաղ հայտարարել էր Ղազախստանի տրանսպորտի փոխնախարար Մաքսատ Կալիակպարովը։
Թարգմանությունը՝ Էմմա Չոբանյանի
