16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
Պեսկովը հայտարարել է, որ Պուտինը չի մերժել ԱՄՆ-ի խաղաղության ծրագիրը
Քաղաքականություն
03.12.2025 | 15:39
Կրեմլի խոսնակ Դմիտրի Պեսկովը սխալ է որակել միտքը, որ ՌԴ նախագահ Վլադիմիր Պուտինը նախօրեին մերժել է Ուկրաինայի հարցով ամերիկյան ծրագիրը, գրում է Ինտերֆաքսը։
Լրագրողների հարցին՝ արդյո՞ք ճիշտ կլինի ասել, որ Պուտինը [ԱՄՆ նախագահի հատուկ բանագնաց Սթիվ Ուիթկոֆի և ներդրող և Թրամփի փեսա Ջարեդ Քուշների հետ] երեկվա հանդիպման ժամանակ մերժել է ԱՄՆ ծրագիրը, Պեսկովը պատասխանել է․ «Ո՛չ, դա ճիշտ չի լինի։ Բանն այն է, որ կարծիքների նման ուղղակի փոխանակում երեկ տեղի ունեցավ առաջին անգամ և, ինչպես ասվեց երեկ, որոշ բաներ ընդունվեցին, որոշները՝ նշվեցին անընդունելի, և սա փոխզիջում գտնելու նորմալ աշխատանքային գործընթաց է»։
Նա հավելել է, որ Կրեմլը ԱՄՆ-ի հետ բանակցություններում կհետևի «լռության սկզբունքին» և կխուսափի մանրամասն մեկնաբանություններ անելուց։
«Մենք հատուկ ոչինչ չենք ավելացնի։ Մենք հասկանում ենք, որ որքան ավելի լուռ ընթանան այս բանակցությունները, այնքան ավելի արդյունավետ կլինեն դրանք»,- ասել է Պեսկովը։
Պուտինի բանակցությունները Ուիթկոֆի և Քուշների հետ Մոսկվայում տեղի էին ունեցել նախորդ օրը՝ դեկտեմբերի 2-ին, և տևել շուրջ հինգ ժամ։
Թարգմանությունը՝ Էմմա Չոբանյանի
