19.05.2026 | 10:23
Փաշինյանի քարոզարշավը Սպիտակում. ՈՒՂԻՂ
Ռուբեն Վարդանյանի շինծու գործերով նիստում Բաքվի դատարանում «տուժողներ» են ցուցմունք տվել
Քաղաքականություն
02.12.2025 | 20:53
Բաքվի զինվորական դատարանում Արցախի նախկին պետնախարար Ռուբեն Վարդանյանի շինծու գործերով դատական հերթական դատական նիստում, ադրբեջանական լրատվամիջոցների փոխանցմամբ, լսվել են, այսպես կոչված, «տուժողների» ցուցմունքները։
Պետական մեղադրող Վյուսալ Աբդուլլաևի հարցերին ի պատասխան՝ «տուժող» Էլշան Բաբաևը հայտարարել է, թե «Թուրալ Ամիրովը և Էլչին Սալմանովը զոհվել են, իսկ ինքը և Յուսիֆ Հասանովը՝ վիրավորվել» հակատանկային արկի պայթյունի հետևանքով, որը, իբր, «արձակվել է հայկական բանակի մնացորդների և Մարտակերտի շրջանում գտնվող անօրինական հայկական զինված խմբավորումների կողմից»։
Հաջորդ դատական նիստը նշանակվել է դեկտեմբերի 5-ին։
Հիշեցնենք, որ նախորդ նիստում նույնպես «տուժողներ» էին ցուցմունք տվել։
Թարգմանությունը՝ Էմմա Չոբանյանի
