23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
Կարգալույծ անել 10 եպիսկոպոսներին․ Միքայել արք․Աջապահյանն ու Բագրատ արք․Գալստանյանը դիմել են Գարեգին Բ կաթողիկոսին
Քաղաքականություն
01.12.2025 | 16:40
Ազատազրկված Միքայել արքեպիսկոպոս Աջապահյանն ու Բագրատ արքեպիսկոպոս Գալստանյանը այսօր ևս հայտարարություն են տարածել, որով դիմել են Գարեգին Բ կաթողիկոսին՝ պահանջելով կարգալույծ անել 10 եպիսկոպոսներին։
«Դադարեցնել հերձվածող եւ անհնազանդ առաջնորդների պաշտոնավարումը, ովքեր իրենց վարքով արդեն իսկ կայացրել են իրենց դատավճիռը։
Անմիջապես նոր առաջնորդներ նշանակել տվյալ թեմերում։
Հրավիրել եպիսկոպոսաց ժողով՝ ապահովելով մեր երեք սրբազանների մասնակցությունը կամ՝ մեր ազատությունից հետո։
Եպիսկոպոսաց ժողովից հետո կարելի կլինի գումարել Ազգային եկեղեցական ժողովը։
Դիմում ենք տվյալ թեմերի քահանաներին՝ դուք պարտավոր եք այլեւս չենթարկվել ձեր հերձվածող առաջնորդներին եւ վայրկյան առաջ հավատարմություն հայտնել Վեհափառ Հայրապետին եւ ենթարկվել Նորին Սրբության տնօրինություններին»,- ասված է հայտարարությունում։
Նշենք, որ նախօրեին ևս Միքայել արքեպիսկոպոս Աջապահյանն ու Բագրատ արքեպիսկոպոս Գալստանյանը հայտարարություն էին տարածել, որով դատապարտել էին եպիսկոպոսների հայտարարությունը և աջակցություն հայտնել Գարեգին Բ կաթողիկոսին։
