05.10.2026 | 18:19
Ինչպե՞ս կարդալ 21-րդ դարում․ շուրջ 700 ուսուցիչ մասնակցել է մասնագիտական քննարկումների
Գրիգորի Խաչատուրովի նկատմամբ նոր քրեական հետապնդում է հարուցվել
Հասարակություն
01.12.2025 | 16:35
Նոյեմբերի 25-ին Երրորդ բանակային կորպուսի նախկին հրամանատար, գեներալ-մայոր Գրիգորի Խաչատուրովի նկատմամբ նոր հանրային քրեական հետապնդում է հարուցվել։ Գլխավոր դատախազությունից Factor TV-ի հարցման ի պատասխան հայտնեցին, որ հետապնդումը հարուցվել է Քրեական օրենսգրքի 436-րդ հոդվածի 1-ին մասով (կաշառք տալը) և 549-րդ հոդվածի 3-րդ մասով (իշխանազանցությունը կամ իշխանությունը չարաշահելը, որն առաջացրել է մարդու մահ):
Խաչատուրովն այժմ արտերկրում է։
«Գրիգորի Խաչատուրովի նկատմամբ հայտարարվել է միջպետական հետախուզում: Դատարանը մերժել է կալանքը որպես խափանման միջոց ընտրելու վերաբերյալ քննիչի միջնորդությունը, որի դեմ Դատախազությունը վերաքննիչ բողոք կներկայացնի»,- փոխանցեցին Դատախազությունից:
Եվգենյա Համբարձումյան
