28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
Անահիտ Ավանեսյանը ԱՆ Հոգեկան առողջության պահպանման ազգային կենտրոնի թիմին է ներկայացրել տնօրենի ԺՊ Արտակ Ջումայանին
Քաղաքականություն
01.12.2025 | 16:00
ՀՀ առողջապահության նախարարությունից հայտնում են, որ նախարար Անահիտ Ավանեսյանը ԱՆ Հոգեկան առողջության պահպանման ազգային կենտրոնի թիմին է ներկայացրել տնօրենի ժամանակավոր պաշտոնակատար Արտակ Ջումայանին:
«Ուրախ եմ, որ պարոն Ջումայանը հանձն է առնելու այս կենտրոնի կառավարումը: Մեր առաջնահերթ նպատակներից է, որ կենտրոնը մեր երկրում այս ոլորտի համար դառնա նաև մեթոդական և մասնագիտական ուղղորդիչ դերակատարություն ունեցող հաստատություն: Վստահ եմ, որ պարոն Ջումայանի մասնագիտական փորձն ու հարուստ գիտելիքները կարևոր դեր կունենան կենտրոնի արագ ու արդյունավետ զարգացման գործում»,-նշել է Անահիտ Ավանեսյանը:
Նախարարը շնորհակալություն է հայտնել վերջին շրջանում կենտրոնի ղեկավարումն իրականացրած գործընկերներին՝ կառավարման անցնցում ընթացքի համար։
Քննարկվել են նաև կենտրոնի առաջիկա զարգացման ուղղություններն ու ծրագրերը»,- ասված է հաղորդագրությունում։
Նշենք, որ ՀՀ վարչապետ Նիկոլ Փաշինյանի որոշմամբ Արտակ Ջումայանը 2025 թվականի դեկտեմբերի 1-ից ազատվել էր առողջապահության նախարարի տեղակալի պաշտոնից և, փաստորեն, նույն օրը նշանակվել նոր պաշտոնում։
Հիշեցնենք, որ դեռևս ս․թ․ ապրիլ ամսին Նուբարաշենի հոգեբուժական հիվանդանոցի տնօրեն Սերգեյ Խաչատրյանը 6 տարվա աշխատանքից հետո ազատվել էր պաշտոնից, քանի որ պայմանագրի ժամկետը լրացել էր և այն երկարացնելու առաջարկ չէր ստացել։
