04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
2006թ․ մինչ օրս աշխարհում ընդհանուր առմամբ 1096 լրագրող է սպանվել. ՅՈՒՆԵՍԿՕ
Հասարակություն
01.11.2018 | 21:32
Հոկտեմբերի 2-ին Ստամբուլում Սաուդյան Արաբիայի գլխավոր հյուպատոսարանում սաուդցի լրագրող Ջեմալ Խաշոկջիի սպանության դեպքը աշխարհի ուշադրությունը մեկ անգամ ևս կենտրոնացրեց լրագրողների դեմ ուղղված հանցագործությունների վրա. գրում է ermenihaber-ը:
Լրագրողների համար ամենավտանգավոր պետությունների թվին են պատկանում Սիրիան, Մեքսիկան, Աֆղանստանը, Իրաքը և Ֆիլիպինները։ «Լրագրողներ առանց սահմանների» (RWB) և «Լրագրողների միջազգային ֆեդերացիա» (IFJ) կազմակերպությունների տվյալների համաձայն՝ իր մասնագիտական պարտականությունները կատարելիս տարեկան միջինում 90 լրագրող է սպանվում։ Միայն 2017թ․ Աֆղանստանում սպանվել է 13, Սիրիայում՝ 12, Մեքսիկայում և Իրաքում՝ 11 լրագրող։
ՄԱԿ-ի մանկական հիմնադրամի (ՅՈՒՆԵՍԿՕ) հրապարակած տվյալներով՝ 2006թ․ մինչ օրս աշխարհում ընդհանուր առմամբ 1096 լրագրող է սպանվել։ Այլ կերպ ասած՝ յուրաքանչյուր 4 օրում մեկ լրագրող է սպանվել՝ իր մասնագիտական գործունեության պատճառով։
RWB կազմակերպության հավաքագրած տվյալների համաձայն՝ 2017թ․ սպանվել է 65 լրագրող, իսկ ըստ IFJ-ի զեկույցի՝ այդ թիվը նախորդ տարի հասել է 93-ի։ Ընդ որում՝ 2017թ․ սպանված լարգրողների 55 տոկոսը զոհվել է ոչ պատերազմական պայմաններում։ 2018թ․ 10 ամիսների ընթացքում ըստ ՅՈՒՆԵՍԿՕ-ի սպանվել է 86, ըստ RWB-ի՝ 56 լրագրող։
