28.04.2026 | 16:06
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
Հաջիևը Բրյուսելում ԵՄ պաշտոնյաների հետ, այսպես կոչված, «Զանգեզուրի միջանցքն» է քննարկել
Քաղաքականություն
28.11.2025 | 13:16
Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը Բրյուսելում հանդիպել է ԵՄ պաշտոնյաների հետ։ Ադրբեջանական լրատվամիջոցների հաղորդմամբ՝ քննարկվել է Ադրբեջանի ու ԵՄ-ի հարաբերություններում վերջին շրջանում նկատվող դրական դինամիկան»։
Հիքմեթ Հաջիևը հայտնել է, որ կողմերը կարծիքներ են փոխանակել երկկողմ հարցերի լայն շրջանակի շուրջ, քննարկել են Ադրբեջանի և Եվրամիության միջև գործընկերության հետագա ամրապնդման հեռանկարները։
«Այսօր Բրյուսելում բովանդակալից քննարկումներ ունեցանք Եվրոպական Միության քաղաքական և անվտանգության կոմիտեի անդամների հետ Ադրբեջանի և Եվրամիության միջև համագործակցության խորացման վերաբերյալ։ Ես շնորհակալ եմ կոմիտեի նախագահ, դեսպան Դելֆին Պրոնկին։ Ես կոմիտեի անդամներին տեղեկացրեցի Ադրբեջանի կողմից տարածաշրջանում առաջ մղվող խաղաղության օրակարգի, ինչպես նաև խաղաղության տնտեսական օգուտների մասին, Զանգեզուրի միջանցքի զարգացման և վստահության ամրապնդման միջոցառումների մասին»,- նշել է Հաջիևը։
Հավելենք, որ Հաջիևը շարունակում է խեղաթյուրել իրականությունն ու օգտագործել, այսպես կոչված, «Զանգեզուրի միջանցք» եզրույթը։
Վաշինգտոնում օգոստոսի 8-ին ստորագրված համաձայնագրերով որևէ «Զանգեզուրի միջանցքի» մասին խոսք չկա։ Դրանցում նշվում է «Թրամփի երթուղու» (TRIPP) մասին, սակայն Բաքվի քարոզչամեքենան ու ադրբեջանցի պաշտոնյաները, նաև նախագահ Իլհամ Ալիևը շարունակում են «միջանցք» եզրույթն օգտագործել՝ խեղաթյուրելով նաև ստորագրված փաստաթղթերի բովանդակությունը ու այդ թեմայով միջոցառումներ կազմակերպել։
Թարգմանությունը՝ Էմմա Չոբանյանի
