25.12.2025 | 23:38
Ճապոնիայում 5,6 մագնիտուդով երկրաշարժ է գրանցվել
Հաջիևը կառուցվող ավտոմայրուղու տեսանյութ է հրապարակել՝ այն, այսպես կոչված, «Զանգեզուրի միջանցքի» մաս անվանելով
Քաղաքականություն
18.11.2025 | 20:28
Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը տեսանյութ է հրապարակել, այսպես կոչված, «Զանգեզուրի միջանցքիւմ» ավտոմայրուղու կառուցման մասին, գրում են ադրբեջանական լրատվամիջոցները։
«Մի քանի շաբաթ առաջ ես տեսանյութ էի հրապարակել Զանգեզուրի միջանցքի երկաթուղային գծից։ Այսօր ես ներկայացնում եմ այս միջանցքի շրջանակում կառուցվող արագընթաց ավտոմայրուղու կառուցման տեսանյութը՝ մի նախագիծ, որը կուրվագծի տարածաշրջանի ապագան»,- գրել է Հաջիևը X-ում։
Ավելի ուշ ադրբեջանցի պաշտոնյան մեկ այլ հրապարակում է արել։
«Զանգեզուրի միջանցքը՝ Արաքս գետի վրայով անցնող Աղբենդ-Կալալա կամրջին։ Այս կամուրջը կարևոր հանգույց է, որը կապում է միջազգային հիմնական տրանսպորտային մայրուղիները՝ Արևելք-Արևմուտք երթուղին, որը ձգվում է Շանհայից մինչև Լոնդոն, Հյուսիս-Հարավ տրանսպորտային միջանցքը, որը կապում է Հնդկական օվկիանոսը Հյուսիսային ծովի հետ, և Հարավ-Արևմուտք երթուղին, որը կապում է Պարսից ծոցը Սև ծովի հետ»,- նշել է նա։
Հիշեցնենք, որ ավելի վաղ Հաջիևն ադրբեջանական կողմում հաղորդակցությունների կառուցման աշխատանքներից տեսանյութ էր հրապարակել` այն անվանելով «Զանգեզուրի միջանցք»։
Թարգմանությունը՝ Էմմա Չոբանյանի
