28.04.2026 | 13:26
Աշխարհի ամենաթանկ ֆուտբոլային ակումբները
Թուրքիայի ՊՆ ղեկավարը հույս է հայտնել, որ Հայաստանի և Ադրբեջանի միջև խաղաղության համաձայնագիրը հնարավորինս շուտ կստորագրվի
Քաղաքականություն
26.11.2025 | 18:32
Թուրքիայի Ազգային պաշտպանության նախարար Յաշար Գյուլերը երկրի Ազգային ժողովում իր ղեկավարած գերատեսչությանն առնչվող զեկույց ներկայացնելիս նշել է, որ ներքին ճակատի ամրապնդման նոր դարաշրջան է բացվել՝ այն ժամանակ, երբ անմիջական տարածաշրջանում աշխարհաքաղաքական լարվածությունը սպառնում է ամբողջ տարածաշրջանին։
Նա նշել է, թե Թուրքիան նշանակալի ներդրում ունի միջազգային անվտանգության, խաղաղության և կայունության գործում բազմաթիվ տարածաշրջաններում։
«Այս համատեքստում մենք ավելի ենք խորացնում մեր երկկողմ հարաբերությունները, հատկապես մեր եղբայր Ադրբեջանի հետ։ Մենք զգալի առաջընթաց ենք գրանցել և շարունակում ենք գրանցել պաշտպանական արդյունաբերության համագործակցության մեջ՝ մեր վերապատրաստման, օգնության և խորհրդատվական գործունեության միջոցով՝ որպես Ադրբեջանի զինված ուժերի վերակառուցման մաս»,- ասել է նա։
Գոհունակություն արտահայտելով ԱՄՆ-ում Ադրբեջանի և Հայաստանի միջև ստորագրված փաստաթղթերի կապակցությամբ՝ Գյուլերն ասել է. «Մենք հույս ունենք, որ համապարփակ խաղաղության տեքստը կստորագրվի հնարավորինս շուտ»։
Թարգմանությունը՝ Էմմա Չոբանյանի
