30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Թուրք հայտնի լրագրողն Էրդողանին «սպառնալու» գործով 4 տարի 2 ամիս ժամկետով ազատազրկման է դատապարտվել
Քաղաքականություն
26.11.2025 | 19:30
Թուրք հայտնի լրագրող Ֆաթիհ Ալթայլին Թուրքիայի նախագահ Ռեջեփ Թայիփ Էրդողանին «սպառնալու» գործով դատապարտվել է 4 տարի 2 ամիս ժամկետով ազատազրկման։ Նա մեղադրվում էր իր YouTube-յան ալիքով հեռարձակման ժամանակ արված մեկնաբանությունների համար, գրում է Turkiye today-ը։
Ալթայլին հունիսի 22-ից պահվում էր Սիլիվրիի Մարմարա բանտում: Ստամբուլի դատախազները լրագրողի համար պահանջել էին «ոչ պակաս, քան հինգ տարվա» ազատազրկում։ Հոկտեմբերի 3-ին կայացած առաջին դատական նիստում դատավճիռ չէր հրապարակվել։
Նիստին ներկա Էրդողանի փաստաբանն ու պետական մեղադրողը պահանջել են Ալթայլիի ազատազրկման դատավճիռ։
Հետաքննությունը սկսվել է Ալթայլիի կողմից հունիսի 20-ին հեռարձակվող ռադիոհաղորդման ժամանակ պատմական համատեքստի վերաբերյալ արված մեկնաբանություններից հետո։
«Այս ազգը խեղդամահ է արել իր փադիշահին, երբ նրան չի սիրել կամ չի ցանկացել։ Ինքնասպանության պատրվակով սպանված կամ խեղդամահ արված օսմանյան փադիշահների թիվը քիչ չէ»,- ասել էր Ալթայլին։
Այս դատողությունները հանգեցրել էին նախագահին սպառնալու մեղադրանքով հետաքննության։
Թարգմանությունը՝ Էմմա Չոբանյանի
